Vhatikedzi vha Pirates vho ṋewa zwiitisi zwiṋa zwa u mwemwela
Vhatikedzi vha Orlando Pirates vho ṋewa zwiitisi zwiṋa zwa u mwemwela.
Huna zwine zwa vha hone kha nomboro ya vhuṋa… Vhafuni vha Orlando Pirates vho ṋewa zwiṅwe zwiitisi zwiṋa zwa u mwemwela nahone zwi khou itiswa nga hezwi!
Orlando Pirates i tsini na u wina zwiphuga zwiṋa zwa MTN8 nga u tou tevhekana.
Buccaneers yo sedzana na tshithithisi tshithihi tsha u fhedzisela nga Mugivhela nga madekwana ngei Nelspruit musi i tshi ḓo ṱangana na Stellenbosch FC kha mutambo wa u fhedzisela wa vhugala.
Nga u wina zwiphuga zwiraru zwi tshi khou tevhekana zwa MTN8, tshigwada tsha Abdeslam Ouaddou tshi khou dzhena kha nndwa sa vhane vha funeswa.
Vhatambi vhaṋa vha ndeme vha Orlando Pirates vho vhuyelela kha vhugudisi
Orlando Pirates yo khwathisedzwa nga u vhuya ha vhatambi vhane vha vha vha ndeme kha thimu!
Huna zwine zwa vha hone nga ha nomboro nṋa a si zwone? zwine zwa khou khwathisedzwa ndi zwa uri Patrick Maswanganyi o fhola kha vhulwadze nahone u khou guda phanda ha final.
Nkosinathi Sibisi, Thabiso Sesane na Makhehleni Makhaula na vhone vhothe vho vhuyelela kha vhugudisi.
Orlando pirates yo ṅwalisa vhuimo hayo kha mutambo wa u fhedzisela nga murahu ha musi yo kunda vhapikisi vhayo Mamelodi Sundowns. Stellenbosch kha ḽiṅwe sia yo kunda Sekhukhune United.
Translated by Nthaduleni Rolivhuwa
