Mokwena uri u zwine a vha zwone zwino nga Mosimane
Mugudisi muhulwane wa MC Alger Vho-Rulani Mokwena vho kovhelana zwithu zwivhili zwihulwane zwe vha zwi ṱanganedza nga ha mueletshedzi wavho wa kale, Vho-Pitso Mosimane.
Vho vha vha tshi shuma vhoṱhe kha Mamelodi Sundowns, he Mokwena a vha a tshi shuma sa muthusi wa Mosimane.
Nga murahu ha u ṱuwa kha Sundowns nga 2024, Rulani Mokwena o pfulutshela Morocco u gudisa Wydad Casablanca phanḓa ha musi a tshi dzhena kha MC Alger ngei Algeria kha ino khalanwaha.
Rulani Mokwena uri mvelaphanḓa ya Pitso Mosimane kha Al Ahly yo shandula nḓila ine kilabu dza Afrika Tshipembe dza dzhia ngayo vhagudisi vha Afrika Tshipembe — nahone mafheleloni zwa mu vulela miṋango.
Musi vha tshi amba na Vho-Safja, Vho-Mokwena vho amba uri u bvelela ha Vho-Mosimane ndi “u vula ma vothi”, hu si nga gundo ḽavho kha Caf Champions League fhedzi.
Fhedzi na nga vhuphurofeshinaḽa hawe na vhukoni hawe ha u langa iṅwe ya kamara khulwanesa dza u ambara Afrika fhasi ha mutsiko muhulu.
“Mugudisi Pitso o vha na ṱhuṱhuwedzo khulwane kha zwenezwo,” ho amba Mokwena.
“U bvelela hawe na Al Ahly khamusi zwo vha zwo vula ma vothi…
“Zwo sumbedza uri vhagudisi vha Afrika Tshipembe vha na vhukoni ha u langa Devhula na u sedzana na mutsiko wa dzikiḽaba khulwane.”
Vho-Rulani Mokwena vho divhadza uri vhado isa phanda na u tikedza Vho-Pitso Mosimane.
“Ndo vha na mashudu a u shuma nae lwa minwaha minzhi, ngauralo ndi a muḓivhesa.
U amba ngoho, ndi mu koloda zwinzhi nga ha zwine nda vha zwone namusi.”
- Vhalani hafhu : Themba Zwane u na lutamo lwa u tamba kha Afcon
Mokwena nga hetsho tshifhinga u do vhuya Afrika Tshipembe na MC Alger kha Champions League sa izwi vho vha vho ṱangana na Sundowns.
