Chelle o pomoka DR Congo u shumisa mushonga kha mutambo wa swondaha

Mugudisi wa thimu ya lushaka ya Nigeria Vho-Eric Chelle vho pomoka DR Congo uri yo shumisa ‘mushonga’ u ita uri i xelelwe nga dzhesi yayo kha mutambo wa ndeme nga Swondaha vhusiku.

Thimu dzo vha dzi tshi khou lwa nazwo kha mutambo wa u dzhena kha World Cup we wa fhela nga u kunda DR Congo nga 4-3 nga dzi penalty.

Mutambo wo fhela nga 1-1. Nigeria yo vha yo no ranga phanḓa zwavhuḓi nga murahu ha tshikoro tsha Frank Onyeka nga miniti wa vhuraru.

Congo yo  linganisa tshikoro tsha Mechak Elia nga miniti ya vhu 32, nahone mutambo wo fhela nga nḓila i si yavhuḓi.

Ndi musi hu tshi khou rahiwa dzi penalty he Chelle a thivhelwa u ya kha munwe wa vhatambi vha DR Congo, zwine zwa amba uri a mu fare nga tshanda.

• VHA RI WANA KHA FACEBOOK| Mitamboyashu.co.za

Musi a tshi vhudziswa nga murahu ha mutambo nga ha tshiwo tshi si tshavhuḓi, Chelle o dzumbulula uri o vhona muṱhannga a tshi khou ita mushumo , nahone zwa mu nengisa.

“Nga tshifhinga tsha u raha dzi penalty, ho vha hu na muṱhannga wa Congo we a vha a tshi khou ita mushumo,” Chelle o ralo.

“Tshifhinga tshoṱhe musi mutambi washu a tshi raha, o vha a tshi shela tshiṅwe tshithu tshi re tshiluḓi tshi bvaho kha boḓelo.”

U kundwa ha Nigeria zwi amba uri hu ḓo vha lwa vhuvhili lu tshi khou tevhekana vha siho kha Tshiphuga tsha Ḽifhasi, ṱhoni khulwane dze dza vhanga khakhathi kha shango.

• VHALANI HAFHU : Dzangano lo dzhenelela kha mafhungo a Maluleka na mKruger

IDR Congo yo no dzhena kha dzi qualifiers sa izwi i tshi do tamba na mashango a bvaho kha dzi continent dzo fhambanaho.