Mutambi wa kale wa Chiefs na Pirates o vhuya kha bola ya milenzhe
Mulindavhuno wa kale wa thimu ya Kaizer Chiefs na Orlando Pirates Brilliant Khuzwayo vho humela lwa tshiofisi kha bola ya milenzhe ya phurofeshinaḽa.
Mutambi wa minwaha ya 35 o litsha bola ya milenzhe nga nthani ha u huvhala nga 2019.
O bviselwa khagala sa muraḓo wa tshigwada tsha vhagudisi kha thimu ya Swaziland ya Mbabane Highlanders mafheloni a vhege o fhiraho.
Kiḽaba yo bvisela khagala uri Khuzwayo u khou dzhena kha tshigwada tsha Swaziland “nga u ṱavhanya” u swika mafheloni a khalanwaha ya 2025/26.
Vhatikedzi vhanzhi vho fhedza miṅwaha vha tshi khou ḓivhudzisa uri naa muswa we a ḓiitela dzina kha Kaizer Chiefs na Orlando u ḓo vhuya a vhuya mudavhini.
Zwino Khuzwayo – we a ita dzina ḽawe kha Kaizer Chiefs musi a sa athu pfulutshela kha Orlando Pirates – u ḓo vha a tshi khou vhea vhukoni hawe uri a vhu shumise kha bannga musi a tshi thoma vhutshilo vhuswa sa mugudisi.
Ndi mini zwine zwa lavhelelwa khae? U phulusa Highlanders kha vhuimo ha vhu fumi kha logi ya MTN Premier League.
Kha tshitatamennde tsha tshiofisi, tshigwada tsho amba uri Khuzwayo ndi tshipikwa tshihulwane.
“Khuzwayo o dzhena kha Black Bulls e na tshenzhemo khulwane kha bola ya milenzhe ya phurofeshinaḽa,” ho vhaliwa nga u ralo kha tshitatamennde .
“Vhuphurofeshinaḽa hawe, u pfesesa hawe vhugudisi na nḓila ya musalauno zwi lavhelelwa u tamba mushumo wa ndeme kha mveledziso ya vhatambi.”
