Dzangano lo dzhenelela kha mafhungo a Maluleka na ‘mKruger’

Mutambi wa Kaizer Chiefs na Mamelodi Sundowns Vho-George Maluleka vho vula mulandu wa PSL kha tshigwada tshavho tsha kale Kruger United.

George Maluleka o dzhoina Kruger United – a tshi khou tamba kha Muṱaṱisano wa Motsepe foundation– mathomoni a khalanwaha yo fhiraho nga murahu ha musi o ṱutshela AmaZulu FC.

Fhedzi o vha a sa koni na u fhedza khalanwaha. Hu pfi tshigwada tsho litsha u mu badela — nahone tsho nyadza vhuḓidini hoṱhe ha u tandulula mafhungo.

Zwi vhonala uri thaidzo a si ya mutambi muthihi. Uya nga ha dzangano ḽa vhatambi vha bola ya milenzhe ḽa Afrika Tshipembe (Safpu), ​​hu na vhaṅwe vhatambi vha rathi vhane na vhone vha kolodwa tshelede.

Sa vhunga nyambedzano dzo kundelwa, Safpu zwino yo fhirisela mafhungo kha PSL ya u tandulula dzikhakhathi nga fulufhelo ḽa u kombetshedza Kruger United u badela.

“Ro lingedza u tandulula mafhungo aya, fhedzi zwa sa thuse,” ho topolwa ha Muṅwaleli Muhulwane wa Safpu Vho Nhlanhla Shabalala.

• VHA RI WANA KHA FACEBOOK| Mitamboyashu.co.za

“A si George fhedzi. Hu na vhanwe vhatambi vha rathi vhane na vhone vha vha na thaidzo i fanaho. Ri khou toda u negoshietha, fhedzi kha nyimele iyi hezwo a zwo ngo shuma.”

Vho-Shabalala vhe vha vhuya vha tamba na Maluleka kha Ajax Cape Town musi vha tshe vhatuku, vhari vha dzangano vha na minwe milandu ine vha khou tea u sedzana nayo.

Iṅwe ya dzenedzi i kwama Lesedi Kapinga, we hu pfi o fhungudzwa kha tshigwada tsha DStv Diski Challenge tsha Sekhukhune United.

Hezwi zwi khou pfi zwo itea nga murahu ha musi o hana u saina vhurifhi ha u fhelisa thendelano.

• VHALANI HAFHU : Mugudisi wa kale wa pirates vho Jose Riveiro vha ngafhi zwino

Safpu iri yo kwamana na Kapinga — fhedzi i ḓo dzhenelela fhedzi arali a khwaṱhisedza nyimele nahone a i tendela uri i mu thuse.

Zwa zwino, ri kha di sedza mafhungo a Kruger United. Na Maluleka u ṱoḓa zwine zwa vha zwawe — tshelede yawe murahu.