Nzumbululo dzi tshuwisaho nga ha u ṱuwa Mosimane kha Downs

Mugudisi wa kale wa thimu ya Mamelodi Sundowns Vho-Pitso Mosimane vho kombetshedzwa u bva kha kilabu ya Chloorkop.

Zwo bvelela uri mugudisi o wana tshutshedzo dza lufu nga mirado ya thimu musi a tshi khou sengiswa khothe na Sundowns.

Ramilayo wa Vho-Pitso Mosimane vho vhudza khothe nga Lavhuraru uri mugudisi wa kale o kombetshedzea u ṱuwa kha Sundowns nga murahu ha musi o tshuwiswa nga lufu.

U tshuwiswa uhu ho vhigwa kha muphuresidennde wa kilabu wa tshenetsho tshifhinga Vho-Patrice Motsepe na mulanguli Vho-Rejoice Simelane — fhedzi a hu na vhukando ho dzhiiwaho.

Uya nga ha maṅwalo a khothe, nṱhani ha u tsireledzwa, Mosimane o kombetshedzea u humbela pfarelo kha Motsepe na vhathu vhe a vha pomoka uri vho vha vha tshi khou mu tshuwisa uri vha ḓo mu vhulaha.

Nga tshifhinga tshe tsha mangadza khothe, hu pfi Simelane ho ngo hanedza mavharivhari musi a tshi vhudziswa dzimbudziso nwaha wo fhelaho.

Phindulo yawe yo vha i pfufhi nahone i tshi livha kha mbuno: “A thi na phindulo ya zwenezwo, Murena.”

Mafhungo aya a khou da musi Mosimane na khamphani yawe ya u langa, MT Sports, vha tshi khou itela khaedu khaṱhulo ine ya khou uri vha vhuise tshelede.

Tshelede i fhiraho R7.9 million yo vha i thuso ya masheleni ye ya badelwa khamphani nga u ṱuṱuwedza Mosimane uri a engedze thendelano yawe na Sundowns.

Khumbelo iyi i khou hanedzwa nga Vho-Eric Mabuza vha Mabuza Attorneys, nahone hu khou lavhelelwa khaṱhulo hu si kale.

Zwi tshi khou ralo, nyambedzano dza uri Vho-Pitso Mosimane vha vhuyelele Chloorkop zwazwino dzo imiswa.

Nyambedzano idzi vhukati ha Sundowns na Mosimane malugana na u vhuya hawe dzo thithiswa nga nndwa ya mulayo ine ya khou bvela phanḓa.

Musi Jingles e khothe, Miguel Cardoso u ḓo isa phanḓa na mushumo wawe sa mugudisi wa vhahali vha Betway Premiership.

• VHALANI HAFHU: Kaizer Chiefs i nga kha di onesana na vhatambi vha tevhelaho

Zwazwino thimu iyi yo sedza kha mutambo wayo wa ligi une wa khou da na Orbit College nga Musumbuluwo.