Themba Zwane u na lutamo lwa u tamba kha Afcon
Mutambi wa vhukati wa thimu ya Mamelodi Sundowns Themba Zwane o amba nga ha u huvhala kha minwedzi yo fhelaho fhedzi nwedzi u daho u do vha o fhola naa?
Mutambi wa vhukati wa Mamelodi Sundowns Themba Zwane u kha mbambe ya u dzhena kha AFCON ya 2025.
Mutambi wa kale ha athu vhona tshifhinga tshinzhi tsha mutambo kha khalanwaha mbili nga nthani ha u huvhala.
“Mshishi” ha ngo tamba nga maanḓa nga fhasi ha Miguel Cardoso nahone sa izwi Muportugal a tshi khou ṱoḓa u wina Ḽigi ya Vhaṱaṱisani ya CAF na Betway Premiership, a nga kha ḓi sa khetha u tamba a si na Zwane kha mitambo i ḓaho.
- vhari wana kha facebook| Mitamboyashu.co.za
Mutambi wa minwaha ya 36 o fhedza o vula mbilu yawe nga ha u huvhala hawe, he ha ita uri a si kone u tamba kha thimu ya Bafana Bafana lwa nwaha.
Themba Zwane u ṱoḓa u tamba kha Afcon .
Musi ho sala miṅwedzi i si gathi uri AFCON i thome, Mshishi u na mitambo i si gathi fhedzi ya u takadza mugudisi wa Bafana Hugo Broos.
“Hai ndi humbula uri nga u angaredza ndi dakalo, ndi tshi ḓivha zwavhuḓi uri arali nda nga vha 100% fit nahone nda nga shela mulenzhe kha kilabu yanga, ndi hone ndi tshi nga shela mulenzhe kha thimu ya lushaka,” Zwne o engedza.
“Ngauralo kha nṋe, ndi u sokou vha na fulufhelo na u tenda uri u bva zwino, ndi fanela u ḓi-pusha, u ita zwiṅwe zwithu zwine zwa khwaṱhisa, u engedza u guda, uri ndi kone u vha 100%.”
