Clifford o dzhena u dzinginyisa mutambo

Mutambi muswa wa Marumo Gallants, Jaisen Clifford, o dzhena u itela u ṋea thimu yawe maanḓa.

Marangaphanḓa awe – musi vhatikedzi vha Chiefs vha tshi khou imba musi vha tshi vhona poindi tharu dzi tsini – zwo shandukisa zwithu.

Kaizer Chiefs yo vha yo no ranga phanḓa kha hafu ya u thoma ya mutambo nga tshikoro tsha Khanyisa Mayo we a sumbedza u ṱavhanya na lutamo lwawe lwa u kora.

Nga murahunyana ha tshifhinga tsha u awela, Kaizer Chiefs yo mbo ḓi ṋewa penalty i timatimisaho, naho zwo ralo, sa izwi ho vha hu tshi pfi mutambi wa Gallants o i kwama nga tshanḓa musi a tshi khou wa.

Gaston Sirino ndi ene we a takuwa a i dzhia, fhedzi Washington Arubi a mbo ḓi  thivhela shotho yawe – nahone Chiefs ya dzhena kha tshifhinga tsha u awela i tshi khou ranga phanḓa nga 1-0.

Sirino o dovha a wana tshinwe tshikhala tshihulwane tsha u tanzwa dzina lawe kha hafu ya vhuvhili, musi Mayo a tshi mu vhetshela bola.

• VHA RI WANA KHA FACEBOOK| facebook.com/profile.

Fhedzi-ha, o sokou i raha – a tshi sumbedza matata, kha mutambi a re na tshenzhemo sa e a zwi ngo lavhelelea sa izwi o vha a tshi nga i lugisela zwavhuḓi phanḓa ha musi a tshi raha.

Fhedzi o mbo ḓi farwa nga nḓila i songo lavhelelwaho, a tshi khou lingedza u i wana nga mulenzhe wawe wa vhuṱahe u si wavhudi, nahone vha Gallant vha ponyoka.

Zwenezwo Jaisen Clifford a dzhena ho sala mimunithi ya 15 nahone Amakhosi yovha i na 1 – o fhedza nga u linganisa tshikoro zwi mangadzaho.

• VHALANI HAFHU: Kaizer Chiefs a i ngo dzinginyea nga u ṱuwa ha Nabi

Ho vha hu tshipikwa tshihulwane musi a tshi thoma nga u rembulusa Reeve Frosler a fhedza nga u raha shotho ya maanḓa, phanḓa ha musi a tshi livhisa Brandon Petersen mambuleni.

Translated by Nthaduleni Rolivhuwa