Mavharivhari a Chippa na malugwane wa PSL a u ‘tswa’

Mavharivhari a Chippa na malugwane wa PSL a u ‘tswa’

Vha Chippa United vho nwalela vha ligi ya bola ya milenzhe ya PSL na vha Safa vha tshi khou toda uri hu vhe na thodisiso nga u tavhanya malugana na malugwane Philangenkosi Khumalo.

Hezwi zwi tevhela u sa fusha hawe u fara mutambo musi vha tshi tamba 1-1 na Sekhukhune United ino vhege.

Uya nga ha SABC Sport, vha Chilli Boys vha khou pomoka Khumalo uri u na luvhengelambiluni nga murahu ha musi o ṋea Sekhukhune dzi penalty mbili kha mutambo wa Ḽavhuraru.

Bradley Grobler o dzhia bola ya u thoma kha nethe nga miniti ya vhu 76 phanḓa ha musi Stanley Nwabali a tshi vhulunga bola ya vhuvhili nga tshifhinga tsha u ima.

Musi Chippa United yo ṱanganedza tsheo ya penalty ya vhuvhili, vho amba uri ya u thoma a yo ngo tea tshoṱhe.

Vha pomoka uri “phetho dzoṱhe khulwane dza hafu ya vhuvhili dzo vha dzi tshi tikedza Sekhukhune.”

Kiḽaba yo ita na u vhudzisa vhuḓifulufheli ha muhaṱuli wayo, vha tshi sumbedzisa uri a nga vha o dzhenelela kha vhufobvu.

Kiḽaba ya Eastern Cape yo ita khuwelelo kha tshigwada tsha Safa tshine tsha langa vharefiri uri tshi thome ṱhoḓisiso.

Ro dovha ra humbela PSL uri i bvisele khagala maitele o teaho a u shumana na mafhungo aya — hu tshi katelwa na u a vhiga mapholisani.

“Fhungo iḽi zwino ndi ḽa u fulufhedzea, vhuḓifhinduleli na u fulufhedzana kha bola ya milenzhe ya Afrika Tshipembe.

“Kiḽaba yashu a i ṱoḓi fhedzi vhukando ha u kaidza hune zwa vha zwo tea.

Vhurifhi ho ri: “Fhedzi na maitele o teaho a mulayo a u vhona uri vhuḓifari ho raloho vhu fhela lwa tshoṱhe.”

• VHALANI HAFHU : Vha Kaizer Chiefs vho wela fhasi kha  CAF

Chippa vho ombedzela uri vha kha ḓi ḓikumedzela kha u tsireledza vhuḓifulufheli ha PSL.

Fhedzi ho sevhiwa uri “a ri nga ḓo ima ri sa iti tshithu ngeno vharefiri vha lushaka ulu vha tshi khou dzhiela fhasi muṱaṱisano na u vhea bvumo ḽa kilabu khomboni.”

Translated by Nthaduleni Rolivhuwa