Orlando Pirates: Nḓila ye Mofokeng a thusa ngayo Nkota
Mutambi wa kale wa Orlando pirates Mohau Nkota u khou tamba bola yawe mashangoni a nnḓa kha Al Ettifaq ano maḓuvha. Kha vha wane uri Relebohile Mofokeng o tamba hani mushumo muhulwane.
Mutambi wa kale wa Orlando Pirates Mohau Nkota o bvelela kha khalanwaha ya 2024/25 sa muṅwe wa vhaswa vha penyaho vhane vha ḓo bvelela kha zwivhumbeo zwa mveledziso ya Buccaneers.
Nga ṅwambo wa maṱungu a muthu nga eṱhe nnḓa ha mudavhi, mutambi wa winger we a vha a tshi kora zwikoro Monnapule Saleng o bva kha thimu. Ha dzhena Nkota.
Mutambi wa phanḓa o bebwaho Kimberley o ṱavhanya a ḓitika nga fhasi ha mugudisi wa kale Jose Riveiro,
A ṱangana na muswa ngae Relebohile Mofokeng kha vhushaka he ha vhonetshela vhuvhili ha Betway Premiership na tshiṱeidzhi tsha CAF.
Musi Nkota a tshi dzhena kha tshigwada tsha vhahulwane, Mofokeng o vha o no ita zhalinga u mona na shango.
Mutambi Muswa wa Ṅwaha wa PSL u bva Sharpville, Gauteng, o vha o no vha kha lwendo lu fanaho kha khalanwaha nthihi fhedzi yo fhiraho.
- VHA RI WANA KHA FACEBOOK| facebook.com/profile.
Uya nga Nkota, o vha e mueletshedzi o fhelelaho ane a nga ḓitika ngae nga tshifhinga tsha tshanduko.
Musi a tshi amba sa ṋaledzi ya Saudi Pro League, Nkota wa miṅwaha ya 21 o humbula nḓila ye Mofokeng a ita ngayo uri u dzhena hawe hu sa tshuwise.
“O vha e muṅwe wa vhenevho vhanna – ro vha ri tshi dzula kamarani nthihi gammbani, ngauralo ro vha ri tshi amba,” Nkota o vhudza ESPN.
“O nthusa vhukuma musi ndi tshi swika kha thimu ya u thoma.O ri ndi khou tea u amba fhedzi nahone ndi songo ofha ngauri ro tamba roṱhe.
Nkota o humbula nḓila ye Mofokeng a dzula a tshi ḓifulufhela ngayo nga u ombedzela ndeme ya mbofholowo na u ḓifulufhela.
“O vha a tshi mmbudza uri: ‘Ni songo ofha. Itani tshiṅwe na tshiṅwe tshine na ṱoḓa u tshi ita. Heyi ndi thimu ya u thoma… Arali na ita phoswo, arali na xelelwa nga bola, zwi khwine, ri ḓo i vhuisa.
“Itani zwithu zwaṋu fhedzi. Ni songo ofha havha vhaṱhannga na zwine vha amba. Valani nḓevhe dzaṋu ni ḓo zwi vhona.’”
- VHALANI HAFHU: Khune u khou toda Nabi a tshi dzula kha Chiefs
Nkota o isa phanḓa na u kora zwikoro zwa sumbe na thusedza kha zwiṱanu kha khalanwaha yawe ya u thoma ya mitambo ya 37.
Translated by Nthaduleni Rolivhuwa
