Mutambo Pirates na Chippa United wo fhiriselwa phanda
U shandukiswa ha duvha la mutambo wa Betway Premiership zwo vhuedzedza fulufhelo kha vhatikedzi vha Orlando Pirates kha u vhuyelela kha ligi ya dzi ngweṋa dza Caf.
Orlando Pirates yo vula mbilaelo kha Caf nga murahu ha u bviswa nga St Eloi Lupopo kha mutatisano, vha tshi khou gungula nga ha vhatambi vhane a vha ngo nwaliswan nga ndila yone .
Vho dovha vha gungula uri mugudisi wavho Guy Bukasa o vha a songo fanela u vha kha bentshi sa izwi o imiswa kha mitambo ya Caf.
- vhari wana kha facebook| Mitamboyashu.co.za
Tsheo ya komiti ya ndayo ya Caf kha mafhungo aya yo lindelwa nga maṱo matswuku sa izwi Vha-Lupopo vha tshi khou hanedza uri a hu na vhukhakhi vhune ha vha hone.
Mitambo ya u thoma kha tshiteidzi tsha zwigwada yo vhetshelwa u tamba u bva nga dzi 21 dza Lara, duvha line Pirates yo vha i tshi khou tea u tamba na Chippa United kha Betway Premiership.
Fhedzi Chippa yo ḓivhadza nga Ḽavhuraru uri mutambo wo fhiriselwa phanḓa nga ḽa 25 Lambamai fhedzi a vha ngo ṋea zwiitisi zwa zwenezwi.
Fhedzi vhatikedzi vha zwi vhona sa tshiga tsha uri ḓuvha ḽa u thoma ḽa mutambo ḽo ṋea nḓila Champions League.
- VHALANI HAFHU: Ntwari wa Chiefs o itwa muaro kha mahaḓa
Nga ḓuvha ḽithihi – ḽa 21 Lara– Lupopo ḓo ṱangana na Mamelodi Sundowns tshitediamu tsha Loftus.
Arali tsheo kha mulandu wo vulelwaho nga Pirates i tshi vha feiva, vha do vha vha tshi khou dzhiela vhudzulo Lupopo, zwine zwa amba uri vha do vha vha tshi khou tamba na Sundowns.
