Riveiro o lingedza u kunga Mbokazi uri a ye kha Al Ahly’ 

‘Riveiro o lingedza u kunga Mbokazi uri a ye kha Al Ahly’ 

Muthusa mugudisi wa Orlando pirates Vho-Mandla Ncikazi vho bvisela khagala uri mugudisi muhulwane wa kale wa Bucs vho vha vha tshi khou toda Vho-Mbekezeli Mbokazi ngei Egypt.

Muthusa mugudisi wa Orlando Pirates Vho-Mandla Ncikazi vho bvisela khagala uri Jose Riveiro o vha a tshi khou ṱoḓa u ḓa na Vho-Mbekezeli Mbokazi musi vha tshi dzhena kha Al Ahly nga ṅwedzi wa fulwana .

Mutambi wa Spain o ṱutshela Buccaneers nga ṅwedzi wa Lambamai nga murahu ha miṅwaha miraru e kha tshigwada, he a wina zwiphuga zwiṱanu zwihulwane.

Riveiro o dzhena kha Al Ahly musi khalanwaha ya 2024/25 i sa athu fhela u itela u lugisela khapi ya ḽifhasi ya dzikiḽaba dza FIFA nga ṅwedzi wa Ṱhangule.

Red Devils yo vha na showing i si yavhudi kha tournament nahone kale, ho vha hu na nyambedzano dza uri mugudisi wa kale wa Pirates ha khou fhedza tshifhinga tshawe ngei Egypt.

Musi hu tshi kha ḓi tou bva u fhela mitambo i si gathi, Riveiro o mbo ḓi pandelwa.

Ncikazi we a vha a tshi shuma na Riveiro kha Pirates, o amba uri mugudisi u khou ṱoḓa u ṱoḓa Mbokazi.

“Hu na zwithu zwavhuḓi zwine zwa nga si kone u ṱoḓiwa nga muthu muthihi kha kilabu yashu, hu na muhasho wa u ṱoḓa vhane vha khou ita mushumo wavhuḓi,” ho amba Ncikazi sa zwine iDiski Times ya amba zwone.

“Musi u tshi sedza TLB, Mbokazi. Zwi a tshuwisa u vhona mutukana muṱuku nga u rali wa miṅwaha yeneyo, ane a vha kha ḽeneḽo ḽeveḽe zwino.

• Vhalani hafhu : Vha Kaizer Chiefs vho amba nga ha Nabi

“Vhathu vhothe vha khou mu khoda, Jose o vha a tshi mufuna Egypt. Nahone hafhu ro vha na mutangano na mugudisi wa Bafana Hugo Broos, u ri hoyu mutukana u tea u ya u tamba Europe.”

Translated by Nthaduleni Rolivhuwa