Patrick Mayo: ‘Lutamo lwanga kha Khanyisa kha Chiefs’
Mutambi wa kale wa Kaizer Chiefs Vho-Patrick Mayo vho amba nga ha fulufhelo ḽavho kha mutukana wavho, Khanyisa musi vha tshi khou bvela phanḓa na u dzulisea vha tshi bva kha CR Belouizdad.
Mushumo wa Khanyisa Mayo kha Kaizer Chiefs wo thoma nga tshikoro tshithihi kha mitambo miṱanu ye a tamba.
Khotsi awe, vhe vha vha vhe mutambi wa phanḓa wa tshigwada tshithihi tsha Soweto, vho amba zwi tshi bva mbiluni nga ha lwendo lwa murwa wavho Khanyisa na Amakhosi, nahone lutamo lwavho lwo leluwa: zwikoro na zwiphuga.
Mayo senior, we a tamba kha Glamour Boys vhukati ha 2003 na 2007, o vha a tshi ḓivhelwa u tamba nga nḓila dzo fhambanaho na u kora zwikoro.
O swika sa mutambi wa phanḓa fhedzi nga murahu a shanduka a vha mutsireledzi, a vha muthu a fulufhedzeaho kha mitambo yo vhalaho .
Musi a tshi vhudziswa nga ha zwine a zwilavhelela kha mushumo wa Khanyisa kha Chiefs, o ri:
“Uri a kone u kora zwikoro. Uri a kone u wina zwiphuga,” Mayo o ralo kha PrimeSportsWithMahlatse. “Ndi tama uri a tandulule thaidzo ya thimu ya u shaya zwikoro.
“U kora zwikoro na u wina zwiphuga, zwi nga vha zwavhuḓi. Ndi na fulufhelo ḽa uri u ḓo wina zwiphuga. Naho hu si na Chiefs, fhedzi nga ene muṋe, u ḓo zwi wina.”
Murwa wawe Khanyisa, o bebwaho Mthatha a alutshela Gqeberha, o dzhena kha Amakhosi nga khadzimiso kha tshigwada tshihulwane tsha Algeria CR Belouizdad nga ṅwedzi wa Ṱhangule.
Mayo muṱuku o thoma nga nḓila i fulufhedzisaho, a kora luthihi kha mitambo yawe miṋa ya u thoma a sa athu u bviswa nga ṅwambo wa u huvhala.
“U fanela u vha khwine kha nṋe,” Mayo Sr o fhindula a tshi khou mwemwela. “Uyayazi kaloku [Ni a ḓivha uri zwi nga vha hani]
U dzulela u ḓihudza uri u khwine kha nṋe, nahone ndi a zwi takalela hezwo. Ndi khou toda ene a khwine u fhira .
nṋe muṋe,” mutambi wa kale wa bola ya milenzhe wa Chiefs o phetha nga u ralo.
