Chaine o amba zwine a ḓo zwi humbula nga ha Mbokazi kha Pirates
Musi Mbekezeli Mbokazi a tshi khou tamba mutambo wawe wa u fhedzisela kha Orlando Pirates nga Mugivhela, mutambi ngae Sipho Chaine o bvisela khagala zwine a do zwi humbula nga hae.
Mbekezeli Mbokazi o tamba mutambo wawe wa u fhedzisela musi Orlando Pirates i tshi wina khaphu ya Carling Knockout lwa u tou thoma nga u kunda Marumo Gallants.
Vho kunda nga 1-0 nga nṱhani ha tshikoro tsha Relebohile Mofokeng tshitediamu tsha Peter mokaba ngei Polokwane u itela u wina tshiphuga tshavho tsha vhuvhili kha ino khalanwaha.
U itela u hulisa mutambi muswa, o ṋewa tshipiḓa tsha u takusa tshiphuga, naho mukapuṱeni Nkosinathi Sibisi na ene o vha e mudavhini.
Mbekezeli Mbokazi u ḓo ṱutshela thimu ya Orlando Pirates a ya kha thimu ya Chicago Fire ngei Amerika nga nwedzi wa Phando nga murahu ha u khunyeledzwa ha mitambo ya khaphu ya dzitshaka dza Afrika ngei Morocco.
Musi a tshi khou amba nga murahu ha mutambo wa Mugivhela, Chaine o vhudziswa uri u ḓo humbula mini nga ha TLB, dzina line Mbokazi a divhea ngalo.
“Ndi do humbula mini nga hae? U vha hone hawe fhedzi locker room,” Chaine o ralo.
“Ndi munna ane a ḓiḓivhadza. Ndi mutambi wa miswaswo kha muṅwe na muṅwe. Ndi muthu wa ndeme vhukuma kha thimu.
“O zwi bvisela khagala, zwo vha zwi khagala kha thimu uri Mbekezeli u kha ḓi vha hone.Ndi vhona zwa ndeme vhukuma ndi uri o ita uri muṅwe na muṅwe a ṱoḓe u dzhenelela.
“O ita uri muṅwe na muṅwe a ṱoḓe u ḓivhea kha thimu – ndi zwenezwo fhedzi zwine nda nga amba.”
- VHALANI HAFHU: Gavin Hunt a nga fhedzisela o dzhena kha Sundowns?
Mbokazi o vha e muṅwe wa vhatambi vhahulwane vha Pirates nga murahu nahone o rengiselwa thimu ya bola ya milenzhe ya US Major League nga tshelede i ṱoḓaho u vha R50 miḽioni.
