Pirates yo fhira Chiefs, Sundowns yo engedza tshikhala
Pirates yo fhira Chiefs, Sundowns yo engedza tshikhala
Orlando Pirates yo fhira Kaizer Chiefs ya dzhena kha vhuimo ha vhuvhili kha ḽogo ya Betway Premiership.
Izwi zwo ḓa nga murahu ha musi vho kunda Golden Arrows nga zwikoro zwiraru kha nthihi stadium tsha King Zwelithini ngei Durban nga Ḽavhuraru vhusiku.
Musi Orlando Pirates i tshi dzhena kha vhuimo ha vhuvhili, yo vha i tshi khou fulufhela u lingana na phoindi na Mamelodi Sundowns ine ya khou tambula.
Fhedzi tshigwada tsha Tshwane tsho dovha tsha wana gundo ḽihulwane kha TS Galaxy tshitediamu tsha Loftus u itela u vhulunga vhuimo hatsho ha u ranga phanḓa nga phoindi tharu.
Orlando Pirates yo ranga phanḓa nga miniti ya vhu 23 nga Ayanda Jiyane we a dzhenisa bola kha nethe yawe nga murahu ha musi Nkosikhona Ndaba o i fhambanya.
- vhari wana kha facebook| Mitamboyashu.co.za
Golden Arrows yo linganisa kha tshipiḓa tsha vhuvhili nga Thokozani Khumalo, fhedzi Yanela Mbuthuma o ṱavhanya a vhuisa Pirates phanḓa.
Nahone musi Arrows i tshi khou fulufhela u dzhia tshikoro tshithihi fhedzi na u ita draw hayani, Mbuthuma o mbo ḓi dzhia tshikoro tsha u fhedzisela tsha ita uri hu vhe na 3-1 ho sala mimunithi miraru.
Golo ya Arthur Sales nga miniti ya vhu 61 yo vha yo eḓana uri Sundowns i kone u kuvhanganya phoindi tharu dza ndeme musi i tshi tamba na tshigwada tsha Galaxy tsho khwaṱhaho.
- VHALANI HAFHU : Motaung o bvisela khagala tshiimo tsha Baartman kha Chiefs
Kha miṅwe mitambo, Durban City yo vhuyelela kha nḓila dza u kunda, ya kunda Marumo Gallants nga tshikoro tsha hafu ya vhuvhili nga Hashim Domingo.
Stellenbosch FC yo dovha ya kundwa hayani, ya kundwa nga 2-0 nga Siwele FC – nga zwikoro zwa Siviwe Magidigidi na Tebogo Potsane.
