Motaung o bvisela khagala tshiimo tsha Baartman kha Chiefs
Mulanguli wa zwa mitambo wa Kaizer Chiefs Vho-Kaizer Motaung Jr vho bvisela khagala vhuimo ha Luke Baartman kha tshigwada itshi.
Baartman o dzhoina Amakhosi khathihi na Asanele Velebayi nga murahu ha musi Cape Town Spurs yo tsela fhasi kha ligi dza vhatambi vhaṱuku.
Fhedzi musi Velebayi o no thoma u ḓiitela dzina, Luke Baartman u kha ḓi ḓo wana tshikhala tsha u tamba kha tshigwada tsha Kaizer Chiefs.
Hezwi zwo bveledza mafhungo nga ha vhumatshelo ha Baartman, nga maanḓa nga murahu ha musi vhagudisi vha tshi vhiga uri vho themendela uri a fhiriselwe kha thimu ya DStv Diski Challenge.
Hezwi hu ambiwa uri ndi u itela u mu thusa u ḓowela vhutshilo ha kilabu ya Naturena.
- vhari wana kha facebook| Mitamboyashu.co.za.
Motaung Jnr, naho zwo ralo, uri Baartman ha nga ḓo ya DDC fhedzi u ḓo lwela vhuimo hawe kha thimu khulwane.
“Luke ndi talente i sa tendisei, ndi vhona unga munwe na munwe u a zwidivha hune ra bva hone nae” ndi Motaung Jr. Zwihuluhulu nga nndwa ye ra vha nayo na kilabu yawe yo fhiraho.
“Ngauralo, sa vhaṅwe vhoṱhe, hu nga vha Asanele, kana Luke, ri ṱoḓa vha tshi ḓa vha dzula vha tamba tshipiḓa tshavho.”
Motaung Jr. o ombedzela uri Luke Baartman ndi vhukoni ha nṱhesa nahone tshigwada tshi kha ḓi vha na pulane khulwane khae.
“Ndi talente ya nṱha, u kha thimu ya u thoma nahone ri na pulane khulwane dza Luke,” o bvela phanḓa.
“Ndi vhukoni ho khetheaho nahone ndi humbula uri muṅwe na muṅwe o mu vhona kha thimu ya Under-20 World Cup na Mfundo, ngauralo ri khou mu takalela.
- VHALANI HAFHU: Cedric Kaze uri vhathu kha vha dzike kha Kaizer Chiefs
“U na mbilu khulwane, vhukoni vhu sa tendisei na mavhonele o teaho a u fhira kha zwe a fhira khazwo na u kona u ḓa mushumoni ḓuvha ḽiṅwe na ḽiṅwe, u zwi ṋea zwoṱhe zwawe.
“U kha thimu yavhuḓi, nahone ro takala vhukuma ro lavhelela ḓuvha ḽine a ḓo wana tshikhala tsha u sumbedza vhuimo hawe, ha nga ḓo ya DDC,” ho phetha Motaung Jr.
