Orlando pirates yo ita nḓivhadzo malugana na Mbokazi
Mbekezeli Mbokazi vho thoma khalanwaha ntswa nga tshitaila, vha tshi wana pfufho yo khetheaho ya u thoma ya Orlando Pirates musi vho ambara bannda ḽa zwanḓa vhe na miṅwaha ya 19.
Mutambi wa murahu wa Orlando Pirates Mbekezeli Mbokazi o vha a sa fhiri ace kha murahu,
A tshi sumbedza u dzika na vhurangaphanḓa vhune a sa vhu vhone kha mutambi wa miṅwaha ya 19.
U bva Hluhluwe, Mbokazi o vha a tshi dzulela u vha hone, a tshi thoma mutambo muṅwe na muṅwe wa muṱaṱisano kha Sea Robbers,
Na u ḓi ṱomola kha tshiṱangu tsha mulangi ngeno Nkosinathi Sibisi a tshi khou fhola kha u huvhala.
Vhatikedzi na vhone vho vha vha tshi khou zwi ṱhogomela, nahone vouthu dzavho dzo zwi bvisela khagala: Mbokazi ndi dzina ḽine ḽa vha kha milomo ya muṅwe na muṅwe kha ino khalanwaha.
“U thoma havhuḓi ha Mbekezeli Mbokazi kha khalanwaha ya 2025/26 a ho ngo ṱanganedzwa, na mutambi wa murahu wa vhukati ane a tamba nga maanḓa o nangiwa sa Mutambi wa Ṅwedzi wa Ṱhangule,” Orlando Pirates yo ḓivhadza.
U khoḓiwa ho ḓa hu si kale nga murahu ha musi mugudisi muswa wa kilabu, Abdeslam Ouaddou, o ṋea Mbokazi ngeletshedzo nga vhuronwane nga ha zwithu zwihulwane nga nnḓa ha vhupo ha Mzansi.
“Mbokazi… Irai ndi ambe ngoho , ndi tea u ḓilonda ngauri musi u tshi fhululedza muthu nga u ṱavhanya, ndi a ofha uri u ḓo litsha u shuma fhedzi ndi tea u zwi amba.
Ngauri sa mugudisi u tea u ḓilonda kha u fhululedza vhatambi, fhedzi musi vha tshi khou ita zwavhuḓi, ndi zwavhuḓi kha muhumbulo wavho, kha u ḓiṱhonifha havho,”
Mueletshedzi wa Orlando Pirates wa France-Morrocan ho ngo ima henefho, o engedza nga u vhona zwine vhumatshelo ha nga vha zwone arali Mbokazi a dzula o vhea ṱhoho fhasi na u shuma nga maanḓa:
“Hoyu munna, arali a bvela phanḓa na u shuma, arali a bvela phanḓa na u vha phurofeshinaḽa, arali a ṱhogomela nḓila ine a tshila ngayo,
Ndi vhona u nga u na vhumatshelo vhuhulwane ngauri zwe nda zwi vhona hafhu ṋamusi, zwi tou vha zwi sa tendisei.
Ndi kushumele kwa dzikiḽaba khulwane dza Europe nahone ri khou takalela u vha nae kha Orlando Pirates, kilabu khulwane ine ya khou shuma Afrika,”
Translated by Nthaduleni Rolivhuwa
