Durban City yo tenda mulandu, fhedzi…
Tshiimiswa tsha ndayo tsha PSL tsho bvisa mulandu wa JDR Stars kha Durban City.
JDR Stars yo vha yo vula mulandu i tshi khou pomoka Durban City uri yo dzhia mutambi a songo ṅwaliswaho.
Hoyo mutambi ndi Saziso Magawana. Mulandu uyu wo lenga Durban City u ṋewa tshiphuga tsha gundo ḽavho ḽa Motsepe Foundation Championship.
Mulandu wo thetsheleswa nga Ḽavhuvhili. Fhedzi mutshutshisi wa PSL Vho-Zola Majavu vho khwathisedza uri bodo a yo ngo wana vhukhakhi kha u nwaliswa ha Vho-Magawana.
“Vha tshiimiswa tsha u kaidza vho bvisa mulandu nahone zwithu zwothe zwi do hwalwa nga vha JDR Stars” ndi vho-Majavu.
Vho engedza nga uri u nwaliswa ha Magawana zwi mulayoni nahone a hu na vhukhakhi nga hazwo.
“A hu na zwo khakheaho nga nḓila ye Durban City ya ṅwalisa ngayo Magawana.
“Nahone sa vhunga o nwaliswa lwa tshiofisi, ahuna vhukhakhi ha u mu tamba na JDR Stars.”
Mvelelo iyi i vula nḓila ya uri Durban City i khwaṱhisedzwe sa vhahali.
Naho zwo ralo, ri kha ḓi ḓo tea u lindela tsengo ya vhuvhili uri i fhele.
Cape Town Spurs na yone yo vula mbilaelo nga ha mutambi muthihi. Mulandu wawe wo vha wo vhetshelwa u thetsheleswa nga Ḽavhuvhili nga madekwana.
Fhedzi tsengo yo fhiriselwa phanḓa nga murahu ha musi Spurs yo humbela tshifhinga tsha u ṋekedza vhuṱanzi hayo.
Mulandu uyu u khou lavhelelwa u ya tsengoni nga Lavhuraru nahone u khou lavhelelwa u fhela henefho.
U swika nga tshenetsho tshifhinga, Durban City i ḓo tea u lindela phanḓa ha musi i tshi bvela phanḓa na vhuṱambo vhuṅwe na vhuṅwe ha tshiphuga he vha vhu dzudzanya.
Mvelelo dza tsengo ya Spurs nga Ḽavhuraru dzi nga sumbedza arali hu na zwiṅwe zwine zwa ḓo lenga.
Urban Warriors i do vha i tshi khou fulufhela u bvelela hune JDR Stars ya kundelwa u iledza u tsela fhasi.
- VHALANI HAFHU: Ndi livhuwa tshikhala Rulani Mokwena o onesa Wydad
Fhedzi zwa zwino, Durban City i kha ḓi vha nṱha, yo lindela u khwaṱhisedzwa lwa tshiofisi sa vhahali vha tshigwada itshi.
Maṱo oṱhe a ḓo vha kha tsheo ya khantsele nga Ḽavhuraru u vhona arali i tshi ḓo fhambana na ya Ḽavhuvhili.
Translated by Nthaduleni Rolivhuwa
