Chicago yo dzhena hani kha Mbokazi? Mugudisi o talutshedza
Mugudisi wa thimu ya Chicago fire Vho-Gregg Berhalter vho bvisela khagala uri thimu yo dzhia hani mutsireledzi wa Bafana Bafana Mbekezeli Mbokazi.
O bvisela khagala uri themendelo dzavhuḓi dze vha dzi wana kha mutambi uyu u bva kha muofisiri wa Afrika Tshipembe ndi dzone dzo itaho uri vha mu saine.
Mutambi wa minwaha ya 20 o swika Chicago nahone u do thoma u guda musi a tshi khou lugisela fulo lawe la u thoma kha Major League Soccer.
VHO VHA VHA KHOMU GUDA LWA TSHIFHNGA TSHILAPFU.
Musi vha tshi amba nga ha u musala murahu, Vho-Berhalter vho khwaṱhisedza uri vho vha vha tshi khou tevhela Mbekezeli Mbokazi lwa tshifhinga tshilapfu.
Vho amba uri vho thoma vha ita ṱhoḓisiso yo teaho vha sa athu thoma nyambedzano na tshigwada tshawe tsha kale tsha Orlando Pirates.
Berhalter o dovhololwa kha iDiski Times a ri: “Zwoṱhe zwo vha zwo leluwa vhukuma.”
“Ro vha ri tshi khou mu tevhela lwa tshifhinganyana.Ndi na khonani ine ya vha mulanguli wa mitambo wa thimu ya nṱha Afrika Tshipembe, ngauralo ndo mu vhudzisa.
“O mmbudza uri Mbokazi ndi mutambi wa maimo a nṱha.”
Berhalter o ri tshigwada tsha vhaṱoḓisisi vha Chicago Fire tsho mbo ḓi sengulusa mitambo minzhi ya Mbekezeli Mbokazi.
Vho mbo ḓi shuma thwii na mutambi u itela u wana nḓivho yavhuḓi ya uri ndi nnyi, vhukoni hawe ha u tamba bola na u ḓiimisela hawe u vha ṱanganedza.
Mbokazi U Talutshedza Kha la US
“Ro vha ri tshi vhona mitambo minzhi ra fhedza ra amba na mutambi ene mune.Ro vha ri tshi khou toda u mu pfesesa sa muthu, fhedzi tshithu tsha ndeme ho vha hu maimo awe” ndi mugudisi a tshi engedza.
Vhukando ha u fhedzisela ho vha ha u ḓisa Mbokazi Chicago uri a ḓivhonele kilabu — nahone nga murahu a dzhena.
“O ḓa fhano, o vhona tshitediamu tshine ra khou guda khatsho, tshifhaṱo tshine ra khou tshi fhaṱa, nahone o vha o takala nga zwe a zwi vhona.
Mbekezeli Mbokazi u khou thoma ndima ntswa kha ḽa United States, nahone mutsireledzi muswa u khou lavhelelwa u ita mvelelo nga u ṱavhanya kha MLS.
