Ndi ngani Junior Khanye a tshi timatima Chiefs kha ḽigi

Naho thimu ya Kaizer Chiefs yo vhuyelela kha vhuimo ha vhuvhili kha ḽogo ya Betway Premiership, Junior Khanye uri ha khou i vhalela kha thimu dzine dza khou lwela tshiphuga.

Amakhosi yo gonya ya ya kha vhuimo ha vhuvhili nga murahu ha musi yo kunda Marumo Gallants nga 1-0 ino vhege.

Gundo ḽavho – ḽe ḽa vha ḽa vhuvhili kha ligi ṋaṅwaha – ḽo vusa fulufhelo ḽa uri vha nga bvisa vhuṱolo nga u wina tshiphuga.

Fhedzi-ha, Khanye ha ngo tenda na luthihi. Ngoho u amba uri mashudu ane vha vha nao a u kunda nga 1-0 a nga si dzule u swika mafheleloni.

“A thi nga vhali Chiefs nnḓa ha henefho.Hu kha ḓi vha na mushumo munzhi une wa fanela u itwa,” ho amba Junior.

“Hu na murero une wa ri nḓila ine wa tamba ngayo ndi yone ine wa kunda ngayo – ndi ḓo sokou dzulela u dovholola zwenezwo.

O mbo ḓi vhambedza Kaizer Chiefs na thimu dzine dza vha kha mbambe ya u dzhia tshiphuga tsha ligi, nga maanḓa Mamelodi Sundowns na Orlando Pirates.

“Hai.Orlando Pirates ndi yone ine ya tamba bola ya milenzhe ya khwine na u ṱhasela kha ligi zwa zwino.

“Sundowns yo no vha na tshenzhemo ya vhatambi vhe vha wina ligi lunzhi-lunzhi. Ngauralo ni nga vha na vhungoho ha uri vhuimo ha u thoma na ha vhuvhili vhu ḓo bva khavho.

“A thi khou vhala Chiefs henefho.Hafha ri khou amba nga ha thimu dzi re na vhatambi vha thimu ya lushaka – Pirates na Sundowns.

“Ndi vhangana vhatambi vha thimu ya lushaka kha Chiefs? Zwi ḓo vha konḓela. Ngauralo ligi i ṱaṱisana nga Pirates na Sundowns.”

Zwi a konadzea uri mafheloni a vhege ino, Kaizer Chiefs i ḓo vha yo no vhuyelela kha vhuimo ha vhuraru kha logo  musi mitambo ya ligi i tshi khou bvela phanḓa.

• VHALANI HAFHU: Mbilaelo dza Masilela  malugana na Khanyisa Mayo kha Chiefs

Vha do tamba kha mitambo ya Caf Confederation Cup ano mafhelo a vhege musi vha tshi do tanganedza Zesco United ya Zambia Stadium tsha Moses Mabhida Durban nga Swondaha.