Zwane o bvisela khagala zwe a eletshedza Mbule 

Mukapuṱeni wa thimu ya Mamelodi Sundowns Vho-Themba Zwane vho bvisela khagala nyambedzano ye vha vha nayo na Sipho “Master Chef” Mbule musi mutambi wa vhukati a sa athu dzhena kha thimu ya Orlando Pirates.

Sipho Mbule o dzhena kha Orlando Pirates nga u rengiswa ha mahala nga murahu ha musi o ṱuwa kha Sundowns, he a kundelwa u swikelela mvelaphanḓa ye a vha o i fulufhela.

Naho o vha e na vhukoni, o wana zwi tshi mu konḓela u dzhena kha tshikimu tsha Masandawana nahone a fhedza o hadzimiwa.

O vha o hadzimiwa kha Sekhukhune United kha khalanwaha yo fhiraho, fhedzi a vhofhololwa nga nthani ha mafhungo a u kaidza.

• vhari wana kha facebook| facebook.com/profile.

Sundowns yo nanga u sa vusuludza thendelano yawe nga ṅwedzi wa Ṱhangule, zwe zwa mu vulela nḓila ya u ṱuwa mahala — zwino ngauri o no dzula kha Pirates.

Mbule ubva tshe a wana groove yawe hafhu, a vha mutambi wa ndeme a konaha u vhuiswa kha Bafana Bafana.

Zwane – ane a ḓivhiwa nga ḽa Mshishi – o bvukulula uri o ṱuṱuwedza Sipho Mbule musi a sa athu dzhena kha Orlando Pirates, ngauri o vha a tshi tenda khae.

“Nṋe na Sipho Mbule ri a amba;u a zwi ḓivha uri ndi dzula ndi hone u mu eletshedza,” ndi Zwane.

“Ndi khou takalela u mu vhona a tshi khou tamba kha thimu ya lushaka na u tamba zwavhuḓi kha Pirates ngauri ro amba nga hazwo musi a sa athu dzhena.

• VHALANI HAFHU: Mugudisi wa Chiefs o khoda mashumele a Velebayi

“Ndo mu vhudza uri u na zwine zwa ṱoḓea u itela u bvelela na u vhuyelela kha thimu ya lushaka.

“U vhona zwi tshi itea zwo vha zwi tshi ntakadza vhukuma — ndo takala vhukuma nga hae.”

Sipho Mbule o tamba mitambo ya 14 kha Orlando Pirates ino khalanwaha kha mitatisano yothe nahone o thusa thimu uri i wine tshiphuga tsha MTN8.