Broos o talutshedza u savha hone ha Mdu kha tshigwada tsha Bafana
Mugudisi wa Bafana Bafana Vho-Hugo Broos vho bvisela khagala uri ndi ngani mutambi wa thimu ya Kaizer chiefs Vho-Mduduzi Shabalala vho siiwa nga nnḓa ha thimu ya lushaka ine ya ḓo ṱangana na Zambia.
Vhahura vhavhili vha ḓo tamba mutambo wa vhukonani nga ḽa 15 Lara tshitediamu tsha Nelson Mandela ngei Gqeberha.
Mutambo uyu ndi tshipiḓa tsha ndugiselo dza Bafana Bafana dza u tamba Tshiphuga tsha Dzitshaka tsha Caf Africa (Afcon) ngei Morocco nga Nyendavhusiku.
Shabalala o vha e kha fomo yavhuḓi kha chiefs, o kora zwikoro zwiraru na u thusa tshithihi kha mitambo yawe miṋa ya u fhedzisela ya Betway Premiership.
- vhari wana kha facebook| Mitamboyashu.co.za
Fhedzi naho o vha e kha fomo i takadzaho, Hugo Broos o nanga u ṋea muṅwe mutambi tshikhala.
“Tsho vha tshi tshifhinga tsha uri ri lingedze u nanga vhanwe vhatambi,” ndi Broos musi a tshi vhudziswa nga ha u sa tamba ha Shabalala.
“Nemtajela na ene o shuma zwavhuḓi vhukuma kha Pirates, ngauralo ndi vhona u nga ndi fanela u mu founela ndi vhone uri u ḓifara hani na uri u gudisa hani na thimu.”
Hugo Broos o ombedzela uri u litsha Mduduzi Shabalala nnḓa a si u mu tshiṱarafa kana ngauri ha khou shuma zwavhuḓi.
“Ndi ngazwo Shabalala a siho. A si ngauri ha khou tamba zwavhuḓi kana a thi tsha mu ṱoḓa — hai!
“Ndi ngauri ndo vha ndi tshi khou ṱoḓa u vhona Nemtajela u vhona arali e kha vhuimo ha Bafana Bafana,” ho ṱalutshedza Broos.
- VHALANI HAFHU: Muhulwane wa Arrows o khoḓa mvelelo dza Manqoba Mngqithi
Mutambi wa Belgium o engedza nga uri heyi i do vha camp ya u fhedzisela hune a do linga vhatambi vhaswa vha sa athu nanga thimu ine ya do tamba Afcon.
Shabalala o tamba lwa u thoma kha Bafana kha mutambo wavho wa u fhedzisela na Rwanda, a dzhena sa mutambi wa u dzhiela vhudzulo musi vha tshi kunda nga 3-0.
