Vha Sundowns vho topola wa u dzena vhuimoni ha Lucas
Vhuimo ha Lucas Ribeiro vhu nga ḓala hu si kale sa izwi hu tshi pfi Mamelodi Sundowns i khou ṱoḓa mutambi wa maimo a nṱha a bvaho nnḓa ha shango.
Mamelodi Sundowns i khou ṱoḓa u ṱanganedza mutambi wa vhukati wa Portugal Miguel Reisinho, ane a ḓo dzhena kha tshigwada nga mahala.
Mutambi wa minwaha ya 26, Reisinho u disa tshenzhemo ya u tamba Europe nahone u vhonala sa muthu o teaho u dzhiela vhudzulo Lucas Ribeiro.
Lucas Ribeiro o ṱutshela Mamelodi Sundowns nga u ṱavhanya – a ṱutshela tshigwada e kha nyimele ya vhuṱungu nga nḓila ye a ṱuwa ngayo.
Arali a nga sainiwa, u ḓo ṱanganedzwa nga muṅwe mudzulapo wa shango ḽawe, Nuno Santos, ane na ene u khou lavhelelwa u bviswa nga Sundowns hu si kale.
- VHA RI WANA KHA FACEBOOK| facebook.com/profile.
U saina ha Reisinho ndi tshitatamennde tshi re khagala tsha ndivho musi tshigwada tshi tshi khou ḓilugisela u tsireledza tshiphuga tshatsho tsha ligi na u lingedza u wina Caf Champions League.
Zwi vhonala uri Sundowns yo vha i tshi khou tevhela na u funana na Reisinho lwa tshifhinga tshilapfu zwino i na tshikhala tshihulwane sa izwi a si na thimu.
Vhukoni hawe na bono ḽawe zwi ambiwa uri zwo kunga vhaṱoḓisisi vha Mamelodi Sundowns – nahone o vhambedzwa na Lucas Ribeiro.
U ḓivhelwa u phasa hawe a sa khakhi, vhuṱali hawe, na vhukoni hawe ha u langa luvhilo lwa mutambo.
Hezwi zwi ita uri a vhe muthu o fhelelaho kha tshitaila tsha u tamba tsha Sundowns , tshine tsha langea.
- VHALANI HAFHU: Dzangano ḽa Safpu ḽo ṱhasela Siwelele FC
U sainwa ha Reisinho, khathihi na Santos, zwi swaya tshifhinga tshiswa kha Sundowns musi i tshi khou isa phanḓa na u kunga vhatambi vha nṱha vha dzitshaka.
Translated by Nthaduleni Rolivhuwa
