Mitambo yothe ya ḓuvha la vhufa kha ligi ya Betway Premiership
Vhafuni vha bola ya milenzhe vha ḓo ḓiphina nga Ḓuvha ḽa Vhufa ḽino hune ha vha na mitambo i si fhasi ha sumbe ya Betway Premiership yo dzudzanywaho u mona na shango.
Nga masiari, tshigwada tsha Golden Arrows tshi re kha vhuimo ha vhu 11 tshi ḓo ṱanganedza tshigwada tshine tsha khou ḓi tsireledza tsha Mamelodi Sundowns ngei Tshitediamu tsha King Goodwill Zwelithini ngei Durban nga 15:00.
Masandawana vho rakesa kha ino khalanwaha nga murahu ha mitambo ya malo (5 wins, 3 draws) vha kha vhuimo ha vhuvhili .
Kha mutambo wa lone nga 17:30, Kaizer Chiefs i do tanganedza Marumo Gallants Stadium tsha FNB.
Amakhosi i do vha i tshi khou sedza u vhuyelela murahu kha u kundwa hayo ha zwenezwino nga 3-1 kha Sekhukhune United musi i tshi tamba na Bahlabane Ba Ntwa ine ya vha kha vhuimo ha ṱahe.
Thikhithi dza mutambo we wa vha wo lavhelelwa vhukuma dzi kha ḓi wanala nga R60 kha opentickets.co.za, kaizerchiefs.com kana Shoprite, na mavhengeleni a Checkers shangoni ḽoṱhe.
Glamour Boys i kha vhuimo ha vhuraru nga phoindi dza 13, fhedzi i na vhapikisi vha Soweto vha Orlando Pirates nga murahu ha musi Buccaneers yo kunda Siwelele FC nga 1-0 kha mutambo muthihi fhedzi wa Ḽavhuvhili.
Mitambo miṱanu i ḓo thoma nga 19:30 nga Ḽavhuraru, hu na zwinzhi zwine zwa ḓo vha khomboni musi thimu dzi tshi khou bvela phanḓa na u ṱoḓa zwikoro – na phoindi kha Betway Premiership ya ino khalanwaha.
Mutsiko u khou engedzea kha Chippa United ine zwa zwino i fhasi ha ṱhanga, na vhatambi vhaswa Orbit College na vhone vha khomboni nga u kunda luthihi fhedzi kha mitambo ya sumbe kha dzina ḽavho kha tshigwada tsha nṱha, u swika zwino.
Mitambo ya Betway Premiership nga Ḽavhuraru, ḽa 24 Kubvumedzi 2025
- Golden Arrows vs Mamelodi Sundowns – 15:00
- Kaizer Chiefs vs Marumo Gallants – 17:30
- Orbit College vs Polokwane City – 19:30
- Richards Bay vs Magesi FC – 19:30
- Sekhukhune United vs Chippa United – 19:30
- Stellenbosch FC vs Durban City – 19:30
- TS Galaxy vs AmaZulu – 19:30
Translated by Nthaduleni Rolivhuwa
