Dzangano ḽa SAFPU ḽo ṱhasela Siwelele FC
Kha tshitatamennde tshi ṱungufhadzaho, dzangano ḽa vhatambi vha bola ya milenzhe ḽa Afrika Tshipembe (Safpu) ḽo ṱhasela Siwelele FC, ḽi tshi i pomoka uri a i langi zwavhuḓi vhatambi vhayo.
Tshitatamennde a tshi sokou vha ngeletshedzo fhedzi, fhedzi ndi u ḓivhadza nndwa, sa izwi dzangano ḽi tshi pomoka vhulanguli ha kilabu uri vhu khou “dzhiela fhasi” bvumo ḽa vhatambi.
Zwe zwa ita uri yunioni i bvele phanḓa ndi mutevhe wa mavharivhari a u sa tevhedza mulayo kha u shumisana ha kilabu na u kundelwa u ita zwe vha fhulufhedzisa.
U rengiswa ha kilabu zwo vha zwi tshi khou bva kha u vhulunga vhashumi vhothe na vhatambi.
Tshitatamennde itshi tsho bviswa nga matsheloni a Musumbuluwo zwi tshi tevhela tshitatamennde tsho bviswaho nga mudzulatshidulo wa Siwelele FC Vho-Calvin Lee John nga Swondaha.
Muofisiri o talutshedza uri ndi ngani vhatambi vha tshi khou iswa mitamboni nga bisi, na u pandelwa ha Stan Mathews na Andre Arendse.
Vha dzangano vha kombetshedza uri vhalanguli vha tea u ṱhonifha tshirunzi tsha vhashumi vhavho, kana vha sedzane na masiandoitwa a u sa ita ngauralo.
Fhedzi mbiti dza dzangano a dzi fheli henefho. I vhidza maitele maswa a kilabu a u isa vhatambi nga bisi mitamboni “u sa londa na u sa ṱanganedzea.”
- VHA RI WANA KHA FACEBOOK| facebook.com/profile.
Safpu i ri u kombetshedza vhatambi uri vha konḓelele lwendo lwa bisi lwa awara dza rathi u ya kha dza sumbe vha sa athu tamba kha maimo a nṱhesa a zwi ṱanganedzei na luthihi.
Dzangano ḽa vhashumi ḽo vhidza maitele aya sa tshiga tsha “u kundelwa u dzudzanya” nahone ḽa sevha uri “u tshimbidza vhatambi nga bisi ndi tshiga tsha u kundelwa u langa zwa masheleni.”
Tshitatamennde itshi tshi dovha tsha vusa mbudziso khulwane nga ha u ṱuwa nga u ṱavhanya na hu soliseaho ha vhatambi vha kale vha kilabu Stan Matthews na Andre Arendse.
Nga vhutshilo havho vhune ha pfi vhu “fhasi ha tshutshedzo ḓuvha na ḓuvha,” Safpu yo amba uri i a vha tikedza nga vhuḓalo, nahone i ṱoḓa uri kilabu i ṋee ṱhalutshedzo nga u ṱavhanya nga ha tshutshedzo.
- VHALANI HAFHU: Orlando pirates i kha di saina naa? Ouaddou o fhindula
Safpu yo fulufhedzisa u tevhela mafhungo aya nga nḓila dzoṱhe dzo teaho, i tshi ṱoḓa u bviswa ha mushumo na u fulufhedzisa u tsireledza vhuḓifulufheli ha mushumo wa miraḓo yayo.
Translated by Nthaduleni Rolivhuwa
