Orlando Pirates i kha di saina naa? Ouaddou o fhindula
Mugudisi wa Orlando Pirates Vho-Abdeslam Ouaddou vho sumbedza u fushea nga vhuimo na u ḓikumedzela ha vhatambi vhane vha vha navho zwa zwino kha tshigwada tshavho.
Hezwi zwi khou ḓa musi dzi kilabu khulwane – sa Pirates – dzi tshi khou sedza nga vhuronwane u vhona arali hu na vhatambi vhane vha nga vha saina musi tshifhinga tsha u rengisa vhatambi tshi khou vala nga Musumbuluwo.
Mutambi wa Buccaneers we a ranga phanḓa thimu zwenezwino kha u dzhia tshiphuga tsha vhuṋa nga u tevhekana tsha MTN8, uri u fushea nga vhatambi vhane a vha navho.
Fhedzi o dovha a tenda uri hu nga vha na vhatambi vhane vha sa engedzwe, fhedzi zwenezwo zwi bva tshoṱhe kha vhalanguli.
“Vha na muhumbulo wavhuḓi vhukuma wa u ḓikumedzela, nahone ndi vhathu vhavhuḓi vhukuma.
“Kamara ya u ambara ndi iṅwe ya khwinesa ye nda vha ndi khayo u bva tshe nda vha mugudisi,” ho amba Ouaddou.
- VHA RI WANA KHA FACEBOOK| facebook.com/profile.
“Ndi vhatambi vho funzeaho, nahone vha bvisa vhukoni havho hoṱhe, vha na muhumbulo wavhuḓi vhukuma.Fhedzi zwi kha vhulanguli hanga (u khwaṱhisa thimu).
“Arali vha tshi tenda uri ri ṱoḓa maanḓa manzhi, vha ḓo dzhia tsheo yeneyo.Ndi fhano u gudisa vhatambi vhane nda vha navho, nahone nga tshifhinga tshino, ndo takala vhukuma ngavho.”
Orlando Pirates i kha fomo yavhuḓi, nahone yo tamba mitambo miṋa i sa athu u ṋea tshikoro, yo dzhia zwikoro zwa 10 – zwiga zwa uri yo khwaṱha nga murahu nahone yo khwaṱha phanḓa.
Ouaddou ha ngo ṱoḓa u amba nga ha hune vha nga khwaṱhisa hone arali tshikhala tsha bvelela.
Fhedzi o ombedzela uri tshigwada tsha zwino tsha Orlando Pirates tshi sumbedza maanḓa na u ḓikumedzela zwo teaho – na uri a vha nga ḓo lila arali hu si na muthu o sainwaho.
VHALANI HAFHU: Sundowns yo bvisela khagala ngoho nga ha Lucas Ribeiro .
Thimu yo saina vhatambi vha ṱoḓaho u vha 14 fhedzi musi khalanwaha i sa athu thoma, nahone vho no vha na tshikhala tsha u tamba nahone vho sumbedza uri vha kha vhuimo ho teaho.
Translated By Nthaduleni Rolivhuwa
