Vha Kaizer Chiefs vho amba nga ha Nabi
Kaizer Chiefs yo bvisa tshitatamennde nga ha mugudisi Nasreddine Nabi zwi tshi tevhela mivhigo minzhi ya uri o ṱutshela tshigwada.
Kha maduvha mavhili o fhelaho ho vhigwa nga vhunzhi uri Nasreddine Nabi o fhandekana na Kaizer Chiefs nga fhasi ha nyimele dzi konḓaho.
Zwiitisi zwa hezwi zwo fhambana, u bva kha mavharivhari a tshimbilelanaho na mafhungo a ḽaisentsi yawe ya CAF, u ya kha polotiki ya nga ngomu kha kilabu, u ya kha mafhungo a muṱa hayani.
A zwi athu vha khagala uri mafhungo o fhelelaho a nga vha afhio, nahone Chiefs a i athu u bvisela khagala zwoṱhe nga u ralo nga murahu ha u fhumula hu sa pfali u bva tshe mafhungo aya a bvelela nga Ḽavhuraru.
Fhedzi zwino tshigwada tsho khwathisedza uri Nabi haho kha thimu musi i tshi khou di lugisela u tamba na Kabuscorp SCP kha mutambo wa u thoma wa round ya u thoma ya CAF Confederation Cup ya 2025/26.
Zwino vha Kaizer Chiefs vho bvisa tshitatamennde nga ha Nabi .
“Kaizer Chiefs i khwathisedza uri Mugudisi Muhulwane Nasreddine Nabi zwa zwino haho na thimu sa izwi nyambedzano vhukati ha kilabu na mugudisi dzi tshi kha di bvela phanda.
Mafhungo ndi a nga ngomu nahone a khou tandululwa nga maitele o teaho,” ho vhaliwa kha tshitatamennde tsha kilabu.
“kilabu i kha ḓi vha yo sedza kha u vhona uri hu na vhudziki na u bvela phanḓa ha vhatambi na vhatikedzi nga tshifhinga itshi.Sa izwi hu mafhungo a nga ngomu, a hu na zwiṅwe zwidodombedzwa zwine zwa ḓo kovhelwa kha vhuimo uhu.
“Ri livhuwa thikhedzo i bvelaho phanḓa na u pfesesa ha vhatikedzi vhashu na tshitshavha tsha bola ya milenzhe nga u angaredza.
- Vhalani hafhu : Bafana Bafana vho livhana khaedu nge vha dzhenisa Mokoena
” Zwiswa zwiṅwe na zwiṅwe zwi ḓo ḓivhadzwa nga kha tshanele dza tshiofisi dza Kiḽaba musi zwo tea.”
Translated by Nthaduleni Rolivhuwa
