Dithejane o vha muhali wa Bafana Bafana

Puso Dithejane o kora tshikoro tshe tsha ita uri Bafana Bafana i kunde Egypt nga 1-0 kha mutambo wa vhukonani ngei Cairo International Stadium nga Swondaha vhusiku.

Pitso Mosimane o ita tshanduko nnzhi kha vhatambi vha u thoma nga murahu ha musi Bafana yo kunda Eritrea nga 5-0 kha mutambo wa Afcon 2027 qualifiers.

Mugudisi o dzhia tshikhala tsha u vhona vhatambi vhe vha vha vha songo wana tshikhala tsha u tamba kha mitambo mivhili ya Afcon qualifiers.

Tshigwada tsha Pitso tsho thoma mutambo tshi fhasi ha mutsiko sa izwi Egypt yo vha i na possession kha vhunzhi ha mutambo.

Fhedzi Sipho Chaine o vha na mushumo wavhuḓi kha tshikoro, a thusa thimu uri i dzhene kha tshifhinga tsha u awela nga 0-0.

Bafana Bafana yo kora nga miniti wa vhu 51, musi Dithejane a tshi ranga phanda nga 1-0 kha tshigwada tsha Mosimane.

Egypt yo isa phanḓa na u ṱhasela i tshi khou ṱoḓa u linganisa, fhedzi kha u tsireledza Bafana yo vha yo vala murahu zwavhuḓi.

Afrika Tshipembe ḽo sumbedza u ḓiimisela u swika mafheleloni, ḽa fhedza ḽo wina mutambo.

Egypt yo vha i tshi khou langa possession nahone yo vha i na zwikhala zwinzhi, fhedzi Bafana yo vha i khombo musi i na zwikhala zwayo.

Mosimane o dovha a ṋea tshikhala vhatambi vho vhalaho, vhane vha vha Shandre Campbell, Khulumani Ndamane, Tshepang Moremi, Richard Goss na Yanela Mbuthuma.

• VHALANI ZWINWE:Zwiga zwi sumbedzaho uri ha tsha vha na dzangalelo kha inwi

Heḽi ḽo vha gundo ḽihulwane kha Bafana, vhe vha vhuya hayani na ngudo dza ndeme nga murahu ha musi vho kunda Guinea, Eritrea na Egypt.