Dillon uri Chiefs i fanela u lugisa zwithu zwivhili u itela u kunda

Kaizer Chiefs a i athu kundwa kha mitambo ya Betway Premiership ino khalanwaha, fhedzi mufarisa mugudisi Vho-Dillon Sheppard vhari hu na zwine zwa kha di tea u khwiniswa. 

Amakhosi yo tamba 1-1 na Stellenbosch FC stadium tsha FNB nga Lavhuvhili vhusiku.

Ho vha hu draw ya vhuṱanu kha mitambo ya ligi ya malo.

Sinoxolo Kwayiba o kora tshikoro tsha Stellenbosch mathomoni a hafu ya vhuvhili, musi Mduduzi Shabalala a sa athu u lingana kha Chiefs nga miniti ya vhu 58.

Fhedzi Chiefs yo kundelwa u shumisa zwikhala zwinzhi u itela u dzhia tshikoro tsha u kunda.

Sheppard uri hu na thaidzo mbili khulwane dzine dza fanela u lugiswa: u langa zwikhala nga nḓila i si yavhuḓi na u ṱutshela zwikoro nga hu leluwaho.

“A si uri ro fushea nga poindi. A ri khou kundwa mitambo, fhedzi a zwo ngo eḓana,” Sheppard o ralo.

O dovha a sumbedza uri vhatambi vha Kaizer Chiefs vhane vha vala murahu tshinwe tshifhinga vha vha tshithithisi musi vha tshi lingedza u vhea mutsiko kha vhapikisi vhavho

Sheppard uri Chiefs i na tswikelelo kha zwikhala zwavhudi zwa u kora, fhedzi i khou kundelwa u fhedza mushumo nga u kora.

O ombedzela uri thimu i khou ita zwo eḓanaho u itela u kunda, fhedzi vha fanela u khwinisa nḓila ine vha fara ngayo zwikoro.

“Ri khou toda u wina mitambo. Ndi vhona unga ri khou ita zwo edanaho u wina, fhedzi arali na sedza lushaka lwa zwikoro zwine ra khou zwi litsha, ri tea u ita khwine.”

• VHALANI ZWINWE : Ouaddou u khoḓa kushumele kwa sigomoshe kha mutambo wo fhiraho

Kaizer Chiefs i do  livha Zambia, hune ya do tangana na Red Arrows FC nga Mugivhela.