Bafana Bafana i ḓo tambela R117 million kha AFCON

Bafana Bafana yo swika Morocco kha mutambo wa 2025 wa Tshiphuga tsha Dzitshaka dza Afrika (AFCON).,

Hune thonamennde iyi ya ḓo ṋetshedza pfufho ya tshelede ya nṱhesa kha ḓivhazwakale yayo.

Vha Bafana Bafana vho pfa uri vha Confederation ya Bola ya Milenzhe ya Afrika (CAF) vho khwathisedza uri vhahali vha Tshiphuga tsha Dzitshaka tsha Afrika tsha 2025 (Afcon 2025) vha do isa hayani USD7 miḽioni, ine ya ṱoḓa u swika R117 miḽioni.

Vhane vha ḓo dzhia vhuimo ha vhuvhili vha ḓo hola USD4 miḽioni (R67 miḽioni), ngeno vhane vha ḓo swika kha semi-fainaḽa vho vhetshelwa u wana USD2.5 miḽioni (R42 miḽioni) muṅwe na muṅwe.

Vhane vha ḓo swika kha quarter finals vha khwaṱhisedzwa USD1.3 miḽioni (R21 miḽioni).

Kilabu dzine dza ḓo swika kha luṱa lwa vhu 16 dzi ḓo wana USD800,000 (R13 miḽioni).

Thimu dzine dza fhedza dzi fhasi kha zwigwada na dzone dzi do vhuelwa.

Thimu dzine dza vha kha vhuimo ha vhuraru dzi ḓo wana R11 miḽioni, nahone tshaka dzine dza ḓo fhedza kha vhuimo ha vhuṋa kha zwigwada zwa thimu nṋa dzi ḓo pfufha nga R8 miḽioni.

Bafana Bafana vho tamba hani kha mitambo ya Afcon ya 2024?

Afrika Tshipembe ḽi khou ya kha AFCON 2025 ḽo bvisa zwifuba nga murahu ha musi ḽo dzhia medala ya musuku kha Afcon 2024 ngei Côte d’Ivoire.

Nga murahu ha u thoma nga u ongolowa, tshigwada tsha Hugo Broos tsho bvisa Morocco kha round ya vhu 16, tsha kunda Cape Verde nga dzi penalty kha quarter finals,

Na u kunda DR Congo nga dzi penalty u itela u wana vhuimo ha vhuraru.

Mzansi yo dovha ya ḓiphina nga fulo ḽo khwaṱhaho ḽa u ṱanganedzwa.

Vho vha vhe ntha ha tshigwada tshavho vha sa athu kundwa nga u wina nṋa na u ṱangana luvhili vha fhedza nga poindi dza 14

Mvelelo dzi vhonalaho dzo katela u kunda Congo nga 5-0 na u kunda South Sudan nga 3-0.

• VHALANI HAFHU : Cardoso o bvisela khagala uri Sundowns i nga kona hani u wina ligi

U dzhena kha Afcon 2025, vhahali vha 1996 vha kha Tshigwada tsha B na Egypt, Angola na Zimbabwe.