Zwane u na fhulufhela kha champions league kha tshifhinga hetshi

Mutambi wa thimu ya mamelodi sundowns Themba “mshishi” zwane o bvisa tsivhudzo phanḓa ha mutambo wavho wa caf champions league na St eloi lupopo.

Thimu ya DR Congo yo mangadza vhanzhi musi i tshi wisa inwe ya thimu ine ya funeswa kha tournament Orlando Pirates.

Vho-Themba Zwane vhari Sundowns yo xelelwa nga lufuno lwayo kha thonamennde iyi – i do lwa sa dzinwe thimu.

Nga murahu ha u xelelwa nga khaphu nga nḓila ṱhukhu kha miṅwaha mivhili yo fhiraho, Mshishi u tenda uri hoyu ndi ṅwaha wavho wa u wina khaphu khulwanesa ya Afrika.

“khalanwaha yo fhiraho ro vha ri tsini vhukuma nazwo (vho kundwa kha final),” Zwane o ralo.

“Kha ino khalanwaha ri tea u takusa ḽeveḽe yashu, muhumbulo washu uri ri vhe kha ḽeveḽe yo teaho — na u shuma nga maanḓa.

“vhukoni fhedzi a vhu shumi kha Champions League. U dovha wa tea u engedza u diimisela na u shuma nga maanda.”

Sundowns ine ya vha ngweṋa ya 2016, i kha tshigwada tshi konḓaho musi i tshi khou tamba na MC Alger wa Rulani Mokwena, Al Hilal wa Sudan na Lupopo.

Fhedzi Vho-Themba Zwane vha kombetshedza uri Sundowns yo diimisela u lwa na Lupopo vhane vha divhea nga u shumisa maitele a tshikha.

“Ro ṱalela Lupopo i tshi tamba na Pirates — ndi thimu ya tshikha!” Uralo Zwane a tshi khou sea.

Nga fulufhelo ḽihulwane na vhukoni kha Sundowns, Zwane u tenda uri ndi tshifhinga tsha uri vha dovholole tshiphuga.

• VHALANI HAFHU : Maela o bula mutambi ane a khou shuma zwavhudi kha PSL zwino

O engedza nga uri: “Kha ino khalanwaha, ri ṱoḓa u fhedza mafhungo ashu kha Champions League.”

Sundowns i do tanganedza Lupopo nga dzi 21 dza Ḽara tshitediamu tsha Loftus kha mutambo wo lavhelelwaho nga maanda.