Chiefs i fhasi ha mutsiko musi Betway Premiership i tshi khou thoma hafhu
Kaizer Chiefs i do vhuya ya tamba kha Betway Premiership nga Lavhuvhili, a i khou toda tshinwe tshithu nga nnda ha u wina.
Amakhosi i ḓo thoma mutambo wayo wa u thoma wa 2026 i tshi khou tamba na Lamontville Golden Arrows nga Ḽavhuvhili, ḽa 20 Phando, tshitediamu tsha FNB.
Mutambo uyu ndi wa vhuvhili vhukati ha thimu idzo mbili kha ino khalanwaha.
Vhahali vha Soweto vho kunda nga 1-0 kha mutambo wa murahu ngei tshitediamu tsha Moses Mabhida murahu nga ṅwedzi wa Ṱhangule 2025, Flavio Da Silva o kora tshikoro tshithihi.
Sa vhunga yo thoma khalanwaha nga u kunda luraru nga u tou tevhekana kha ligi, Chiefs yo tsela fhasi vhukati ha khalanwaha nahone zwino i kha vhuimo ha vhuṋa nga poindi dza 24 kha mitambo ya 13,
Ngeno vhaeni vhe kha vhuimo ha vhufumi nga 16 points kha mitambo ya 14.
Amakhosi a i athu kundwa kha mitambo yayo mitanu yo fhelaho ya ligi, ngeno Arrows yo no kundwa luṋa kha mitambo miṱanu yo fhiraho.
U kunda zwi nga vha vhea kha vhuimo ha vhuvhili arali Mamelodi Sundowns na Sekhukhune United vha tshi nga wisa phoindi vhukati ha vhege.
U kundwa naho zwo ralo, zwi nga ita uri Kaizer Chiefs i vhe nnḓa ha nndwa ya u wina Betway Premiership kha ino khalanwaha.
Nga poindi nṋa dzine dza vha fhandekanya na Orlando Pirates, u kundwa hayani zwi ḓo ita uri vha wele murahu nga ho engedzeaho kha log.
Amakhosi i kha di vha na CAF Confederation Cup na Nedbank Cup ine ya tea u i lwela nahone nwedzi wa Luhuhi u nga sumbedza u vha khaedu khavho vhukuma sa izwi vha tshi tea u tamba mitambo i sa fhiriho 10 nga nwedzi wonoyo.
U kundelwa u thoma nwaha nga u kunda zwi nga fhedza zwo ita uri Chiefs i xelelwe nga Betway Premiership.
