Ndi mutambi wa khwiṋesa kha ḽa SA na Afrika: lucas ribeiro
Vhatikedzi vha mamelodi sundowns a si vhone fhedzi vhane vha khou funa lucas ribeiro. Vhatambi ngae sa Marcelo Allende na vhone ndi vhafuni vhahulwane.
Uya nga ha mutamba vhukati wa Mamelodi Sundowns Marcelo Allende, mutambi ngae wa vhukati ane a ṱhasela Lucas Ribeiro ndi ene wa khwine kha dzhango.
LUCAS RIBEIRO WA MAMELODI SUNDOWNS O WINA GOLDEN BOOT
Kha mutambo wa u fhedzisela wa kilabu wa khalanwaha, Ribeiro o kora luvhili kha u kunda Magesi nga 2-0 u itela u fhedza sa mutambi wa zwikoro wa nṱhesa wa ligi nga zwikoro zwa 16, nahone ha tou vha mutambi wa phanḓa fhedzi ndi mutambi wa vhukati ane a ṱhasela.
“Hoyu munna ane a vha tsini hanga ndi mutambi wa khwine kha PSL na kha Afrika,” Allende o vhudza SuperSport TV nga murahu ha mutambo.
“Ndo takala vhukuma nga hae na u mu vhulunga kha thimu yanga. Ndi a mu fhululedza nga zwikoro na [pfufho ya u dzhia zwikoro zwa nṱhesa]. Ri fhululedza Iqy [Iqraam] nga u ita khalanwaha yavhuḓi vhukuma,” mutambi wa vhukati wa Sundowns o engedza.
- VHALANI HAFHU:Bulls i hulisa Cornal Hendricks: ‘A eḓele nga mulalo ’
Nga tshifhinga tshenetsho, Sundowns yo lavhelela zwithu zwihulwane: mutambo wa u fhedzisela wa CAF Champions League na Pyramids FC na Tshiphuga tsha Ḽifhasi tsha Kiḽaba dza FIFA nga ṅwedzi wa Ṱhangule.
Translated by Nthaduleni Rolivhuwa
