Bulls i hulisa Cornal Hendricks: ‘A eḓele nga mulalo ’
Bulls, thimu ya u fhedzisela ye Cornal Hendricks a i tambala nga nḓila ya vhuphurofeshinaḽa, yo hulisa mutambi wa kale wa rugby, we a lovha nga vhulwadze ha mbilu nga Ḽavhuraru nga madekwana.
Khamphani ya Bulls yo amba nga ha u tshinyadzwa ha tshigwada nga murahu ha u lovha ha Cornal Hendricks,
mutambi wa kale we a vha a tshi funwa na u pembelelwa, e na miṅwaha ya 37.
Mudzulapo wa Paarl o vha e mutambi wa Springbok ana caps dza 12, A vha na dza 73 kha tshigwada tshine tsha vha Pretoria vhukati ha khalanwaha ya 2018/19 na 2023/24,
musi a sa athu vhuyelela shangohaya ḽawe, Boland, kha mushumo wawe wa u tamba swansong.
Uyo mushumo muswa wa vhutshilo hawe ha rugby nga 2019 wo ḓa nga murahu ha miṅwaha musi o no ita zwithu nga nyeletshedzo ya zwa ngalafho ya madokotela
a ṱutshela mushumo hu sa athu swika tshifhinga nga ṅwambo wa vhulwadze vhuhulwane ha mbilu.
Muhulwane wa khamphani ya Blue Bulls, Vho-Edgar Rathbone, vhari Vho-Cornal Hendricks vho vha vhe mutambi o khetheaho ane vha do mu ṱuvha vhukuma.
“Ro ṱungufhala vhukuma nahone ri kha ḓi lingedza u tendelana na u lovha ha Cornal, muraḓo a funwaho wa muṱa wa Loftus we a vha e mutambi a re na vhukoni vhuhulwane. O vha a tshi ḓivha nḓila ya u ṋetshedza maanḓa o teaho u itela u thusa u takula tshikwadi, o vha e mutambi wa bvumo, khonani lwa miṅwaha minzhi, na mutambi wa ṱhuṱhuwedzo kha tshikwadi.
“Zwo vha zwi ndugelo na khuliso u vha mugudisi wawe, tsumbo yavhuḓi kha murafho u tevhelaho nahone lutamo lwawe lwa vhutshilo lwo vha lu tshi fhirisela. Rugby yo xelelwa nga iṅwe ya dzavhuḓi ṋamusi.
“Mihumbulo ya muṅwe na muṅwe kha kilabu i na muṱa wa Cornal Hendricks, khonani na thangana dzawe nga tshifhinga tshi konḓaho vhukuma.”
