Ouaddou o bvisela khagala vhuḓipfi hawe nga ha tshiimo tsha Pirates
Vho-Abdeslam Ouaddou vho amba nga ha tshiimo tsha Orlando Pirates sa izwi vha kha tshigwada tshavho tsha u lugisela musi vha sa athu thoma luṱa lwa vhuvhili lwa khalanwaha.
Orlando Pirates yo vha i tshi khou guda North West nahone Ouaddou o takala uri o fhiwa fhethu ho teaho u itela u vhona uri u dovha a ṱanganya thimu yawe.
“Ndo takala vhukuma nga vhege ya ndugiselo.Ndi livhuwa vhukuma tshigwada – ndi zwa ndeme u amba zwenezwo,” ho amba Ouaddou.
“Ndi livhuwa uri vho ri ṋea tshikhala tsha u vha roṱhe, u shumisana kha vhupo havhuḓi na vhu tikedzaho nga u rali.”
VHATAMBI VHASWA
Ouaddou o dovha a sumbedza u takala hawe nga vhatambi vhawe vhaswa Daniel Msendami, Andre de Jong na Mpho Chabatsane vhe vha sainiwa zwenezwino.
“Hetshi tshifhinga tsho ri vhuisa kha u pfa vhuthihi nga u dzula roṱhe.Zwo vha zwi zwa ndeme u kona u ḓivhadza vhatambi vhaswa kha thimu.
“Ro kona u vha sumbedza uri ri ita hani zwithu, zwine ra zwi tenda.Tsho vha tshikhala tsha u amba navho, u vha ṱumanya na vhaṅwe.
“Ri ṱanganedza Chabatsane, ri ṱanganedza Msendami na de Jong,” ho bvela phanḓa mugudisi.
“Ri khou vha lavhelela vha tshi sumbedza vhuimo havho na u shela mulenzhe kha thimu.”
U RENGISWA
Pirates yo bvisa vhatambi vhararu kha khalanwaha ino – Monnapule Saleng, Mbekezeli Mbokazi na Sinoxolo Kwayiba.
Vha do humela mudavhini nga Swondaha nga masiari musi vha tshi tamba na Sekhukhune United Stadium tsha Peter Mokaba.
Mutambo uyu wa Betway Premiership ndi munwe wa mutambo wo lindelwaho vhukuma sa izwi luṱa lwa vhuvhili lwa khalanwaha lu tshi khou bvela phanḓa nahoane u khou lavhelelwa u vha wo khwaṱhaho vhukuma.
