Khaṱhulo ya Caf kha mulandu wa Orlando Pirates yo bva
Khaṱhululo a i ngobva nga nḓila ye vha Orlando Pirates vha vha vho lavhelela. Vha Confederation ya bola ya milenzhe ya Africa vho bvisa mbilaelo yavho kha St Eloi Lupopo.
Hezwi zwi khou khwathisedza uri thimu ya DR Congo i ḓo isa phanda na u tamba kha mitambo ya Caf Champions League hune ya vha kha luṱa lwa zwigwada.
Orlando Pirates yo vha yo no ita mbilaelo ya tshiofisi nga murahu ha musi yo bviswa kha muṱaṱisano kha round ya vhuvhili ya u khwalifaya.
Vho gungula uri Lupopo yo shumisa vhatambi vhavhili vha songo teaho sa izwi vha songo nwaliswa zwavhudi.
Fhedzi zwino Caf yo dzhia tsheo i tshi tikedza Lupopo, vhe vha bvisa tshitatamennde malugana na tsheo ine vha khou i takalela vhukuma.
“Kiḽaba ya Bola ya Milenzhe Saint Lupopo yo swikelela gundo ḽihulwane ḽa vhulanguli,” ho ḓivhadza kilabu.
Caf yo landula mbilaelo ya Pirates, ya khwaṱhisedza u tea ha vhatambi Molia na Kashala, ya amba uri vhuvhili havho vho ṅwaliswa zwavhuḓi.
Tshiimiswa tshi langaho dzhango tsho dovha tsha bvisela khagala uri Lupopo a i nga ḓo ṱarafiwa nga u vha na mugudisi Guy Bukasa kha bannga.
Fhedzi-ha, Bukasa u kha ḓi ḓo vha o thivhelwa kha mitambo ya rathi nga ṅwambo wa mafhungo a u kaidza a tshimbilelanaho na Caf Under 20 Afcon.
Orlando Pirates na yone yo di wana i tshi khou badeliswa nga murahu ha mbilaelo ya Lupopo.
Vha Buccaneers vho lifhiswa nga nḓila i tevhelaho:
$5 000 (R86 000) kha u hana u tendela Lupopo u dzhena mudavhini
$20 000 (R344 000) kha mavharivhari a u fafadzela dzikhemikhala kamarani ya u tshintsha.
Lupopo yo ri “tsheo iyi i khwaṱhisedza gundo ḽo swikelwaho mudavhini na u khwaṱhisa vhuimo ha thimu yashu kha muṱaṱisano.”
Tshigwada tsha DR Congo tsho ṱanganedzwa kha tshigwada tsha C khathihi na Mamelodi Sundowns, MC Alger wa Algeria, na Al Hilal wa Sudan.
- VHALANI HAFHU : 🔥 Orlando Pirates yo vusuludza dzangalelo kha Stellies
Vha do thoma fulo ḽavho ḽa group stage nga mutambo u kondaho na Mamelodi Sundowns stadium tsha Loftus nga Mugivhela nga masiari.
