Tshigwada tsha Siwelele FC tsho thola mugudisi muswa
Tshigwada tshiswa tsha betway premiership tsha Siwelele FC tsho thola Lehlohonolo Seema sa mugudisi watsho muswa wa khalanwaha ine ya khou da.
Andre Arendse, we a ranga phanḓa SuperSport United kha khalanwaha yo fhiraho, u ḓo vhuyelela kha vhuimo hawe sa muthusa mugudisi.
Nyambedzano vhukati ha mahoro othe dzo fhela nga Mugivhela, nahone Seema o divhadzwa lwa tshiofisi nga Swondaha nga masiari.
“Ri a ḓihudza nga u ḓivhadza Lehlohonolo Seema sa mugudisi muswa wa Siwelele FC,” ho amba tshigwada kha tshitatamennde. “Ndima ntswa yo thoma.”
Seema we a vha e mugudisi wa Sekhukhune United, u ḓo thoma mushumo wawe muswa lwa tshiofisi nga Musumbuluwo.
Siwelele FC zwenezwino yo renga khwaḽifikhesheni ya SuperSport United ya Ḽigi ya Nṱhesa, yo lindela thendelo ya tshiofisi u bva kha Ḽigi ya Bola ya Milenzhe ya Nṱhesa (PSL).
- vhari wana kha facebook| facebook.com/profile.
Fhedzi mitambo ya 2025/26 yo bvuḓaho yo no ṅwala tshigwada nga fhasi ha dzina ḽatsho ḽiswa, zwine zwa sumbedza uri PSL yo tenda thendelano.
Seema o vha a si na club ubva tshe a fhambana na Sekhukhune nga nwedzi wa Ṱhafamuhwe.
Zwo bvelela uri vho vha na u fhambana na vhalanguli vha Babina Noko zwe zwa ita uri vha pandelwe mushumoni vha dzhielwe vhudzulo nga Eric Tinkler.
Andre Arendse o ranga phanḓa thimu kha gundo ḽiṱuku nga murahu ha musi o dzhia vhuimo ha Gavin Hunt kha khalanwaha yo fhiraho.
Ndi ene we a vula vothi ḽa uri thimu i thome ndugiselo dza khalanwaha i ḓaho naho vhumatshelo hawe vhu sa ḓivhei.
O vha a tshi dovha a vha kha bannga nga tshifhinga tsha mutambo wa vhukonani wa thimu zwenezwino.
Zwino zwo khwathisedzwa uri u do isa phanda na u shuma kha thimu, a tshi khou shuma na Seema.
U tholiwa ha Seema zwi swaya ndima ntswa kha thimu, ine ya vha Free State fhedzi i do tamba mitambo yayo tshitediamu tsha Lucas Moripe lwa tshifhinga nyana.
Translated by Nthaduleni Rolivhuwa
