Tshiitisi tsha u sa tamba ha Cele kha Chiefs tsho bviselwa khagala

Tshiitisi tsha vhukuma tsha u sa tamba ha Thabo Cele kha Kaizer Chiefs musi Afcon i sa athu u tamba tsho bviselwa khagala – nahone zwi a tshuwisa.

Cele o xelelwa nga mitambo yo fhiraho nahone o dzhielwa vhudzulo nga George Matlou.

Fhedzi zwazwino zwo bvelela uri Thabo cele o sala a siho kha kaizer chiefs nga murahu ha musi o itela khaedu vhagudisi khalil ben youseff na cedric kaze.

Hu pfi Cele o vha a sa khou takadzwa nga kushumele kwavho na zwinwe zwine vha khou tamba musi vha tshi khou gudiswa.

O dovha a vhudzisesa nga ndila ine vha khou toda uri a tambe ngayo, a tshi khou gungula uri thimu a i khou mu thusa nahone i khou mu vhaisa.

Izwi zwo bviselwa khagala nga Soccer Beat nga ramafhungo wa kale Vho Pieter Du Toit kha podcast yavho na Brian Baloyi.

“Vhagudisi a vha funi u vhudzisa nḓila ine vha gudisa ngayo thimu, nga maanḓa nḓila ine vha ṱoḓa a tshi tamba ngayo,” Du Toit o ralo.

“Ndi zwithu zwine zwa itea mashangoḓavha. Vhatambi vha dzulela u vhudzisa uri ndi ngani vha tshi ita zwine vha vhudzwa uri vha zwi ite gym na uri zwi khou itela thimu mini.

“Hu nga si vhe na nyimele kha kilabu ine vhagudisi vha ṱarafa vhatambi nga u vha na mbudziso nga ha zwine zwa khou itwa.

“Zwi tou vha khagala uri mbudziso dzi tea u ḓa nga nḓila ya vhulenda. Fhedzi naho dzi tshi bvelela dzi si dzavhuḓi zwi a pfala ngauri zwi sumbedza lufuno lwa mutambi uyo.”

VHALANI HAFHU : Mlambo o sasaladza  mugudisi wawe wa kale Sead Ramovic

Vho mbo ḓi ṋea tsumbo ya Brian Baloyi musi e kha Kaizer Chiefs musi a tshi vha na khanedzano na mugudisi wa tshenetsho tshifhinga Vho-Muhsin Ertugral.

“Thimu yoṱhe yo vha yo ima nae nga tshifhinga tsha khuḓano ya mutambi na mugudisi,” Du Toit o engedza nga u ralo.