Cardoso o sumbedza u ḓihudza nga vhatambi vhawe naho vho kundwa.
Mugudisi wa thimu ya Mamelodi Sundowns Vho-Miguel Cardoso vhari thimu yavho i do vhuyelela murahu yo khwatha nga murahu ha musi vho kundwa kha mutambo wa u fhedzisela wa CAF champions League nga Pyramids FC.
Vhahali vha Betway Premiership vho kundwa nga 3-2 kha tshigwada tsha Egypt, tshe tsha vha tshi tshi khou tamba fhedzi kha fulo ḽatsho ḽa vhuvhili ḽa Champions League.
Ho vha magumo a vhavhaho kha Sundowns, ye ya vha i tshi khou tovhola tshiphuga tshayo tsha vhuvhili tsha dzhango nga murahu ha musi yo tshi wina nga 2016.
Cardoso o sumbedza u ḓihudza nga vhatambi vhawe naho vho kundwa.
“A thi ngo takala, fhedzi ndi a ḓihudza nga zwe ra zwi swikelela,” ho amba Cardoso. “U swika kha final ndi zwithu zwine vhatambi vhanzhi, vhagudisi, kana dzi club vha nga amba uri vho zwi ita.”
Mugudisi o tenda uri thimu yawe yo vha i tshi khou ṱahela nga zwifhinga zwa ndeme.
“Ro vha ri sa khou ṱaṱisana kha vhuimo vhune ra khou vhu ṱoḓa. Ho vha hu si nga ha uri ndi nnyi ane a vha khwine kana a si wavhuḓi — thimu ine ya kunda yo tea u kunda.
“ Fhedzi ho vha hu na zwine ra khou ṱahela khazwo.”
Cardoso o humbula nga ha lwendo lwa u ya kha mutambo wa u fhedzisela, we wa vha u tshi katela u kunda kha zwigwada zwi re na maanḓa zwa CAF.
“Ro kunda Al Ahly kha semi-finals, ine ya vha ya u thoma kha rankings dza CAF, na Esperance kha dzi quarters, ine ya vha ya vhuvhili. Musi ndi tshi swika, heyi kilabu yo vha i tshi khou tambula nga u fhira kha zwiṱepisi zwa zwigwada.
“ Ro sedzana na Raja Casablanca na ASFAR kha tshigwada tshi konḓaho nahone ri kha ḓi kona u fhira. Izwo zwi sumbedza vhuimo ha thimu.”
Hezwi zwi swaya u xelelwa ha vhuvhili nga u tou tevhekana ha Cardoso kha u fhedzisela ha CAF Champions League, nga murahu ha u kundwa kha khalanwaha yo fhiraho na Esperance.
- VHALANI HAFHU:Arendse kha Mavharivhari a Thengiso Ya SuperSport United
“Ri ḓo humela murahu, ra dzudzanya zwipikwa zwashu, ra vhuya ro khwaṱha. Ndivho ndi u swika kha iṅwe final — nahone nga hetshi tshifhinga, ri i kunde.”
Translated by N thaduleni Rolivhuwa
