Riveiro o ṱalutshedza zwine a zwi ṱoḓa mushumoni wawe u tevhelaho 

Jose Riveiro – mugudisi wa kale wa Orlando Pirates – o bvisela khagala zwine a lavhelela kha mushumo wawe u tevhelaho wa u gudisa.

Nahone zwine a zwi ṱoḓa zwi sumbedza uri u ṱoḓa zwi fhiraho u sokou vha thimu ya nṱha kana ine ya khou ṱoḓa u wina zwiphuga nga u ṱavhanya.

Musi a tshi amba  nga ha vhumatshelo hawe, mugudisi wa Spain o zwi bvisela khagala uri vhukando hawe vhu tevhelaho vhu ḓo ḓitika nga pfunzo dza maṱali, mveledziso ya vhaswa, na bono ḽa tshifhinga tshilapfu.

Jose Riveiro uri u do dzhena kha kilabu fhedzi arali nḓila ine vha ṱoḓa  u tamba na u ita zwithu ngayo i tshi tshimbilelana na yawe.

Vho vha vha tshi khou amba nga ha mutambo wa Carling Knockout nga Ḽavhuraru.

“I nga vha fhethu hune wa vha na tshikhala tsha u bvela phanḓa na u wina zwiphuga, fhedzi zwi dovha zwa vha nga ha nḓila ine wa zwi ita ngayo,” u ralo.

“U fanela u vha na philosophy i fanaho na ya kilabu— lushaka lwa bola ya milenzhe na lushaka lwa vhatambi.”

Hezwi zwi dzumbulula mugudisi ane a ṱoḓa u fhaṱa nṱhani ha u sokou shuma nga zwine a vha uri o no zwi wana zwi hone.

O ṱoḓa kilabu ine ya ḓo mu tendela u thusa u vhumba tshitaila na tshivhumbeo tshayo, hu si u sokou ṋetshedza mvelelo nga fhasi ha mutsiko.

Muṅwe wa milaedza i re khagala ya Jose Riveiro: mushumo wawe u tevhelaho u fanela u katela u shuma na vhatambi vhaswa vha bola ya milenzhe, vhane vha vha na nḓala ya u bvelela.

“Ndi takalela nga maanḓa u shuma na vhatambi vhaṱuku, vha re na zwilavhelelwa zwihulwane, na vhatambi vhane vha kha ḓi lwela vhumatshelo havho.

“U ṱanganyiswa ha zwenezwo zwithu zwivhili zwi ita uri hu vhe na vhuimo havhuḓi vhukuma,” ho ṱalutshedza muhali wa kale wa Al Ahly.

• VHALANI HAFHU :Khaṱhulo ya Caf kha mulandu wa Orlando Pirates yo bva

Fhedzi zwine a zwi ṱoḓa ndi thimu ine ya ḓivha zwavhuḓi zwine ya zwi ṱoḓa — nahone i farelela kha zwenezwo.