Ouaddou u amba nga ha u tuwa ha Maswanganyi kha Pirates

Mugudisi wa Orlando Pirates, Abdeslam Ouaddou, o vula mbilu nga ha vhushaka hawe na Patrick Maswanganyi, nga murahu ha musi mutambi uyu o ya Bahrain zwi songo lavhelelwa.

U ṱuwa hawe ho ita uri vhathu vhanzhi vha Pirates vha sale vho mangala, ngauri o vha o no vha mutambi wa ndeme kha Buccaneers.

Ouaddou o tendela uri nga tshifhinga tsha khale zwithu zwo vha zwi sa khou tshimbila zwavhuḓi.

O amba a ri: “Ndo vha ndi sa fushei nga nḓila ye a vha a tshi guda ngayo.”

Fhedzi o dovha a sumbedza mvelaphanḓa, a ri u bva nga 24 June, Maswanganyi o vha e na maitele mavhuya, a fresh, nahone oḓa na nungo dzo fhelelaho kha gudavhudele iṅwe na iṅwe.

Mugudisi uyu u tenda uri mutambi uyu o sumbedza maimo maswa nga pre-season.

U dovha a tenda uri arali o thetshelesa nga tshifhinga tsha khale, o vha a tshi nga vha o dzhena kha tshigwada tsha Bafana Bafana kha 2026 FIFA World Cup.

Naho vho fhira kha zwifhinga zwi lemelaho, Ouaddou o renda vhukoni ha Maswanganyi a ri ndi “mutambi wa sipheshele, wa mpho,” we mugudisi muṅwe na muṅwe a nga takalela u mu wana tshigwadani tshawe.

O dovha a amba uri u xelelwa nga mutambi wa miṅwaha ya 28 ndi khaedu khulwane kha Pirates.

• VHALANI HAFHU: Salif Keita o imisa show yawe ya Afrika Tshipembe

Zwazwino Maswanganyi u khou thoma ndima ntswa Bahrain. Ouaddou o mu tamela mashudu, fhedzi a mu tsivhudza uri u tamba nnḓa ha shango a si zwithu zwi leluwaho.