Chiefs i kha di toda mutambi wa Sundowns naho hu na zwithithisi
Chiefs i kha di ṱoḓa u saina mutambi wa Sundowns, fhedzi zwithithisi zwa u dzhena shangoni na nyambedzano dza thendelano zwi nga lengisa thendelano.
Kaizer Chiefs i nga vha yo no ḓisa vhukoni vhuswa , fhedzi tshigwada tshi khou bvela phanḓa na u tovhola dziṅwe khetho dza u ṱhasela musi khalaṅwaha ya 2025/2026 i sa athu thoma.
Mutambi wa Mamelodi Sundowns Etiosa Ighodaro o bvelela sa mutambi wa ndeme kha tshigwada tsha Soweto.
Ighodaro u kha ḓi vha tshipikwa tshihulwane tsha Chiefs
Naho vho engedzwa vhatambi vhanzhi kha tshigwada tshavho,
Amakhosi a yo ngo shandula ṱhogomelo kha u ṱoḓa mutambi wa phanḓa wa Nigeria Etiosa Ighodaro.
Vha Chiefs vha mu vhona sa tshipiḓa tsha ndeme tsha u ṱanḓavhudza mutevhe wavho wa phanḓa.
Fhedzi u wana signature yawe a zwi nga ḓo leluwa.
Uya nga ha tshisima, zwothe zwi bva kha u ḓiimisela ha Sundowns u litsha mutambi wa miṅwaha ya 24.
“Nga tshifhinga tshino Chiefs yo lindela Sundowns.
Ighodaro u na nwaha muthihi wo salaho kha thendelano yawe na Sundowns nahone arali fhedzi vha nga mu vhofholola u thoma sa free agent kana arali vha nga mu renga kha minwedzi yo salaho kha thendelano yawe.
Fhedzi Chiefs i na dzangalelo khae nahone zwi tshi bva kha uri tsheo ya Sundowns ndi ifhio musi i sa athu thoma khalanwaha,” Chiefs i ḓo mu saina.
Ighodaro, we a saina thendelano ya miṅwaha miṱanu nga 2021,
U kha ḓi vha na thendelano na kilabu ya Chloorkop u swika nga ṅwedzi wa Fulwana 2026.
Naho Sundowns i sa athu vhuya ya mu dzhenisa kha mutambo wa tshiofisi, yo dzulela u mu rumela nnḓa nga u u hadzimiwa,
- VHALANI HAFHU :Mutambi wa kale wa Bafana Bafana o ngalangala
Na tshifhinga tshawe tsha zwenezwino kha AmaZulu FC tshi tshi khou sumbedza khonadzeo dzawe.
Translated by Nthaduleni Rolivhuwa
