Mutambi wa kale wa Bafana Bafana o ngalangala
Mutambi wa kale wa Bafana Bafana o ngalangala.
Mutambi wa kale wa thimu ya Orlando pirates Vho-Thabo Mngomeni vhari vho vha vho tshuwa nga murahu ha musi vho pfa kha
Nyanḓadzamafhungo uri murathu wavho muṱuku Thando Mngomeni o ngalangala.
Uya nga ha milaedza yo rumelwaho kha nyanḓadzamafhungo ya matshilisano, na vhane vha vha tsini nae vha tshi khou ṱoḓa hune a vha hone,
Thando Mngomeni o ngalangala vhukati ha ṅwedzi wa fulwi.
Thando we a vha a mutambi wa vhukati wa bidvest wits na Bafana Bafana hu khou pfala uri o ngalangala.
Luṱingothendeleki lwawe a luho muyani.
Miraḓo ya muṱa yo tshuwa nahone i khou thoma u vha na zwithu zwinzhi zwine a khou zwi humbulela nga ha u ngalangala hawe.
“Ndo zwi wana ḓuvha ḽithihi kana mavhili o fhiraho uri muthu o nthumela mulaedza we wa vha wo ṅwaliwa kha nyanḓadzamafhungo ya matshilisano nga hae,” Thabo Mngomeni o vhudza KickOff.
“Ndi kha di lingedza u wana uri murathu wanga u ngafhi. Ri tshila vhutshilo ho fhambanaho, hezwi zwo ntshuwisa.”
Thabo Mngomeni uri nyimele i khou ṱanganyisa — nga maanḓa ngauri mafhungo ane a a wana kha musidzana wa Thando a khou hanedzana.
“U mmbudza uri Thando o tsireledzea hune a vha hone,” ndi Thabo Mngomeni a tshi isa phanḓa.
“Ndo mbo di humbela uri a nfounele uri ndi kone u pfa ipfi lawe. Fhedzi u swika zwino ndi swiswini.”
“A thi divhi uri mapholisa vho no divhadzwa lwa tshiofisi naa nga ha u ngalangala hawe.”
- VHALANI HAFHU : Banyana Banyana yo bviswa kha WAFCON nga Nigeria
O dovha a vhudzisa uri ndi ngani vho dzhia tsheo ya u posa kha social media uri o xela vha sa athu u mu vhiga mapholisani.
Translated by Nthaduleni Rolivhuwa
