Mofokeng o sumbedza vhukoni hawe musi vha tshi tamba na City

Relebohile Mofokeng o dovha a sumbedza uri u kha di vha ngwenya ye a vha e yone kha minwaha mivhili yo fhelaho, a tshi tamba mutambo wa vhudi we wa thusa Orlando Pirates u kunda nga Mugivhela.

Orlando pirates yo kunda Durban City nga 2-0 kha mutambo wa Betway Premiership Stadium tsha Moses Mabhida, Rele Mofokeng o kora tshikoro tsha u thoma.

O ita pass ine ya ṱoḓa u fana na ye a i ita musi vha tshi tamba na Golden Arrows vhege dzi si gathi dzo fhiraho, a bvisa mutambi wa phanḓa kha mutambo.

Nga hetshi tshifhinga o vhea bola nga vhutsila phanḓa ha Evidence Makgopa we a mbo ḓi i dzhenisa kha nethe.

O dovha a vha na tshanḓa kha tshikoro tsha vhuvhili tsho dzheniswaho nga Patrick Maswanganyi, we a vha a si na mutambo wavhuḓi nahone vhatikedzi vho no mulata  phanḓa ha tshikoro itshi.

Rele Mofokeng o nangiwa sa mutambi wa mutambo nahone o amba uri u takalela u tamba bola na u thusa Orlando Pirates.

“Ndi lingedza u ḓiphina musi ndi tshi tamba bola ya milenzhe.Ndi vhona u nga zwi ḓo bvela phanḓa nga heyi nḓila,” ho amba Mofokeng.

“Ndi vhona unga o vha e mulindavhuno wavhuḓi vhukuma, ndo mu vhona nda mu ṋea pass ngauri o vha e kha vhuimo ha khwine u fhira nṋe.

“Arali a kora tshikoro, ndi zwashu zwothe ngauri arali ra kunda, ri kunda sa thimu. O tamba bola yeneyo zwavhudi  ro kona u kora hu tshe na tshifhinga.”

Nga gundo ili, Pirates zwino yo no vha nṱha ha ḽogo ya Betway Premiership lwa u tou thoma nga murahu ha tshifhinga tshilapfu.

• VHALANI HAFHU: Dzi kilabu dzi lwela mutambi wa vhukati wa Arrows

Naho zworalo vha kha di do vhuya kha vhuimo ha vhuvhili arali Mamelodi Sundowns ya kunda mutambo wavho na Siwelele FC.