Banyana yo fhirela phanda kha dzi WAFCON quarterfinals
Vhakundi vha Afrika Banyana Banyana vha kha ḓi vha nḓilani ya u tsireledza tshiphuga tshavho tsha Tshiphuga tsha Dzitshaka tsha Vhafumakadzi tsha Afrika tsha CAF (WAFCON).
Nga murahu ha musi vho wana vhuimo kha kotara ya vhufhelo ha thonamennde iyi vha sa athu u rwa bola.
Musi hu tshi kha ḓi ḓo tambwa mutambo muthihi wa u fhedzisela wa zwigwada, vha Afrika Tshipembe vha khou bvela phanḓa vha tshi ya kha luṱa lu tevhelaho.
Khathihi na Mali kha Tshigwada tsha C, vha tshi ṱanganela na Algeria, Morocco, Nigeria, na Zambia zwe zwa vha zwo no dzhena.
Hezwi zwo khwaṱhisedzwa nga murahu ha musi Group A yo fhedza mushumo wayo nga Mugivhela (12 Fulwana) musi Morocco yo kunda Senegal nga 1-0 ngeno Zambia yo ṅwalisa gundo ḽi fanaho musi i tshi tamba na DR Congo.
Vhaṋe vha haya vho fhedza vhe nṱha ha tshigwada nga points dza sumbe, vha tshi lingana na Zambia ine ya dzhia vhuimo ha vhuvhili ngeno Senegal yo dzhia vhuimo ha vhuraru nga poindi tharu ngeno DR Congo yo bviswa.
- vhari wana kha facebook| facebook.com/profile.
Banyana Banyana i kha phondo nṋa kha ḽeveḽe ya Group C na Mali – hezwi zwi amba uri vhane vha khou vhusa vha nga si kone u fhedza vhe fhasi ha vhuimo ha vhuvhili.
Zwenezwo zwi vhona vhone na Mali vha tshi bvela phanḓa nga u tou ḓiitela kha round i tevhelaho sa thimu mbili dza nṱha kha tshigwada tshavho.
Tshaka mbili idzi dzi ḓo ṱangana nga Musumbuluwo vhusiku (14 June) tshitediamu tsha Honneur ngei Oujda, Morocco, u itela u vhona uri ndi nnyi ane a ḓo fhedza e nṱha ha tshigwada.
Ho sala zwikhala zwivhili fhedzi u fhedza zwikhala zwa fumi-malo zwa u fhedzisela nahone hezwi zwi ḓo ṱaṱisana nga thimu tharu – Senegal (Tshigwada A), Tanzania (Tshigwada C) na Tunisia (Tshigwada B).
Tanzania i ḓo ṱangana na Ghana ngeno Tunisia i tshi ḓo ṱangana na Botswana .
Senegal i ḓo vha i tshi khou tevhela maitele nga dzangalelo ḽihulwane sa izwi i sa koni u engedza kha mbalo yayo ya phoindi nga murahu ha musi yo no fhedza luṱa lwa round robin lwa thonamennde.
