Mugudisi wa Pirates  vho khwathisedza mafhungo a si avhuḓi

Orlando Pirates i fhasi ha mutsiko muhulu musi i tshi khou livha kha mutambo wayo na Sundowns, nahone mugudisi wayo o ḓisa maṅwe mafhungo a si avhuḓi.

Thimu ya Orlando Pirates na Mamelodi Sundowns yo lavhelelwa u tangana ano mafhelo a vhege kha mitambo ya semi-final ya MTN8. 

Vhatambi vhane vha khou ḓi tsireledza vho ṅwalisa vhuimo havho kha mitambo ya vhuṋa ya u fhedzisela nga murahu ha musi vho kunda Polokwane City kha mitambo ya kota finals.

Sundowns kha ḽiṅwe sia yo leluwa ya fhira Richards Bay FC kha mutambo wayo wa u fhedzisela wa vhumalo.

Zwino, Orlando Pirates i ḓo ṱanganedza vhapikisi vhayo tshitediamu tsha Orlando nga Mugivhela nga masiari.

Mugudisi muhulwane Abdeslam Ouaddou o khwathisedza uri u do vha a si na vhatambi vhararu vha ndeme nga Mugivhela.

Mukaputeni wa Orlando Pirates Vho-Nkosinathi Sibisi vha khou xelelwa nga mutambo nga nthani ha u huvhala.

Zwiṅwe hafhu, vhoṱhe Makhehleni Makhaula na Olisa Ndah a vha nga ḓo vha na tshipiḓa nga u huvhala.

“Vhunzhi ha vhatambi vha hone. Ri na Sibisi na Makhaula fhedzi, vhane vha kha di vhuya kha vhulwadze.

• Vhalani hafhu : Orlando pirates i nga kunda sundowns naa?

“Ri dovha ra vha na Ndah ane a kha di vha hone, fhedzi vhunzhi ha vhatambi vha hone,” ho amba mugudisi wa Orlando Pirates Ouaddou sa zwe zwa topolwa nga FARPost.

Translated by Nthaduleni Rolivhuwa