U swika ha Saleng kha sundowns ho vulela Maseko mavothi
Muṅwe wa vhatambi vhane vha khou bvelela vha Mamelodi Sundowns, Thapelo Maseko, u ḓo ṱuwa kha tshigwada itshi nga tshifhinga tsha u rengisa vhatambi.
Hezwi zwi khou ḓa nga murahu ha maḓuvha a si gathi musi tshigwada tsha Pretoria tshi tshi ita mvelaphanḓa khulwane nga u saina Monnapule Saleng u bva kha tshigwada tsha Orlando Pirates.
Zwino tshigwada tsha Chloorkop hu khou pfala uri tsho swikelela thendelano na tshigwada tsha AEL Limassol tsha u hadzima Thapelo Maseko.
Mutambi uyu u do dzhena kha kilabu ya Cyprus u swika khalanwaha i tshi fhela. U dzhia vhukando uhu, u ya nga SABC Sport, ho no fhedza miṅwedzi yo vhalaho hu tshi khou shumiwa.
Thapelo Maseko o tambula nga u wana vhuimo ha tshifhinga tshoṱhe fhasi ha mugudisi Vho-Miguel Cardoso kha Sundowns.
U dinalea hawe ho engedzea nga murahu ha musi o siiwa nnḓa ha tshigwada tsha Sundowns tsha Fifa Club World Cup nga ṅwedzi wa Fulwi ṅwaha wo fhiraho.
Thonamennde yo vha yo farelwa kha ḽa America nahone Maseko o vha a tshi tenda uri o vhuya kha nndwa ya u ṱoḓa vhuimo kha thimu nga tshenetsho tshifhinga.
O dzhena kha Sundowns a tshi bva kha SuperSport United nga thendelano i ṱoḓaho u vha R20-miḽioni.
Mutambi wa minwaha ya 22 o mbo ḓi ita zwithu nga u ṱavhanya kha Sundowns. O nangiwa sa Mutambi wa Ṅwaha kha Ḽigi ya Bola ya Milenzhe ya Afrika ya u thoma.
U bvelela honoho ho ḓa musi Rulani Mokwena e mugudisi muhulwane wa Sundowns.
Maseko o vha e tshipiḓa tsha thimu ya Bafana Bafana ye ya vhuya na mendela ya musuku kha Afcon ngei Ivory Coast mathomoni a 2025.
U sa vha hone ha jesi ubva tsheetsho zwo thithisa mveledziso yawe. Mutambi o fhedza o bvisiwa kha DStv Diski Challenge.
Fhedzi vhaimeleli vha Maseko vho vha vha tshi khou ṱoḓa uri a rengiswe lwa tshoṱhe mathomoni a ino khalanwaha. Sundowns yo hana zwenezwo, ya hana Aris Limassol.
Fhedzi zwino tshigwada tsho tenda u mu hadzima kha AEL Limassol lwa minwedzi ya rathi. Fhedzi thendelano i kha ḓi vha i sa athu fhela.
