‘Ndi khou ṱoḓa u wina tshiphuga na Kaizer Chiefs’ – maboe

Mutambi wa Kaizer Chiefs we a sainiwa zwezwino Lebohang Maboe uri u na mishumo i sa athu fhela kha Amakhosi nahone tshipikwa tshawe tshihulwane ndi u wina zwiphuga.

Mutambi muswa wa Kaizer Chiefs ane a khou bva u sainiwa Lebohang Maboe uri o takala u vhuya kha tshigwada nga murahu ha minwaha ya fumi.

Mutambi uyu wa minwaha ya 30 o dzhena kha Amakhosi nga mahala nga murahu ha musi o fhambana na Mamelodi Sundowns nga murahu ha minwaha ya sumbe.

Maboe ndi tshibveledzwa tsha vhaswa vha Chiefs naho a songo vhuya a tamba kha thimu ya vhahulwane, o ita dzina ḽawe kha Maritzburg United na Sundowns.

U amba uri tshipikwa tshawe kha Kaizer Chiefs ndi u thusa tshigwada uri tshi kunde tshiphuga tsha silivhere.

“Ndo vha ndi tshi ṱoḓa u vhuya hayani, ndo vha ndi tshi ṱoḓa uri ḽiṅwe ḓuvha ndi dovhe ndi tambe kha Chiefs ngauri ndo pfa u nga musi ndi tshi ṱuwa, ndo vha ndi na mushumo u sa athu fhelaho nga iṅwe nḓila na tshigwada.

” U vhuya hayani zwa zwino ndi vhuḓipfi vhuhulwane vhukuma,” Maboe o amba kha  Sowetan.

“Ndi ṱhonifho na ndugelo u vhuya hayani na u vha kha tshiimiswa tshihulwane sa Kaizer Chiefs.

Ndo takala uri ndo vhuya hayani nahone ndi ṱoḓa u ita zwavhuḓi na thimu.

Ndi ṱoḓa u wina silivhere na thimu, nahone ndi khou lavhelela vhukuma khalanwaha.”

Maboe o saina Kaizer Chiefs ya zwenezwino

Maboe o fhedza miṅwaha ya sumbe e kha Sundowns musi a sa athu ya kha SuperSport United kha khalanwaha yo fhiraho.

“Zwo vha zwi tshi khou vhaisa ngauri ndo vha na muaro wa mahaḓa we nda vha ndi tshi fanela u u ita, fhedzi thimu [Sundowns] yo vha i sa fheli mbilu kha nṋe nahone zwino ndi tshi khou vhuya hayan.

• Vhalani hafhu : Bafana i nga dzhena hani kha Tshiphuga tsha Ḽifhasi tsha FIFA

Zwine nda khou ṱoḓa u zwi ita ndi u lifhedza lutendo lwe vha lu sumbedza kha nṋe na u bvela phanḓa na u shuma nga maanḓa,” o ralo.

Translated by Nthaduleni Rolivhuwa