Bafana i nga dzhena hani kha Tshiphuga tsha Ḽifhasi tsha FIFA
Bafana Bafana i do booker thikhithi yayo ya u ya kha mitambo ya 2026 ya FIFA World Cup nga u wina mitambo yayo yo salaho fhedzi naa i nga kona qualifier nga u ṱavhanya?
Bafana Bafana yo sala nga u wina luvhili uri i kone u dzhena kha khaphu ya ḽifhasi ya FIFA ya 2026.
Vhanna vha Hugo Broos vha na phoindi ṱhanu kha Tshigwada C phanḓa ha Rwanda, Benin, Nigeria, Lesotho na Zimbabwe.
Musi ho sala mitambo miṋa, Afrika Tshipembe ḽi nga ṱoḓa u wina mitambo mivhili fhedzi u itela u dzhena.
Nga Ḽavhuṱanu, Bafana i ḓo tamba na Lesotho kha round ya vhusumbe ya mitambo ya u ṱanganedza khaphu ya ḽifhasi,
Vha tshi ḓivha uri u kunda a zwi nga sokou vha vhea kha vhuimo havhuḓi fhedzi fhedzi zwi ḓo dovha zwa vhea mutsiko kha mashango a fanaho na Benin, Rwanda na Nigeria.
Mutambo wo lavhelelwaho vhukati ha Afrika Tshipembe na Likuena u do tambelwa Free State Stadium nga Lavhutanu nga madekwana.
Bafana Bafana zwazwino i kha point dza 13 nahone i do toda point dza 21 uri i kone u dzhena, hu sa londwi dzinwe mvelelo.
U wina luvhili na u ṱangana luvhili zwi ḓo vha khwaṱhisedza vhuimo kha World Cup ya ṅwaha u ḓaho.
Afrika Tshipembe ḽo fhedzisela u dzhena kha tshipiḓa tsha ḽifhasi nga 2002 nahone nga 2010, vho dzhena fhedzi nga uri yovha i khou tambelwa fhano.
U itela uri Bafana i kone u dzhena, i tea u wina mitambo yayo na Lesotho na Nigeria (Ḽavhuvhili) nahone i fulufhela uri Rwanda na Super Eagles vha ḓo tamba nga nḓila i fanaho.
Hezwi naho zwo ralo zwi nga shanduka arali FIFA ya dzhia tsheo ya u dzhia phoindi u bva kha Bafana nga ha saga ya Teboho Mokoena.
Mutambi wa vhukati wa Afrika Tshipembe o vha a tshi tea u shuma tshifhinga tshawe tsha u imiswa musi vha tshi tamba na Lesotho mathomoni a nwaha fhedzi o tamba nga tshifhinga tsha mutambo wonoyo sa izwi vhanna vha Broos vho kunda nga 2-0 hayani.
- VHALANI HAFHU : Maboe o bvukulula zwe zwa mu ḓisa ‘hayani’ kha Chiefs
Arali ho dzhiiwa poindi tharu kha Bafana, zwenezwo zwithu zwi a shanduka nahone vha ḓo tea u fheleledza vho wina mitambo yavho miṋa yo salaho u itela u dzhena kha FIFA World Cup.
Translated by Nthaduleni Rolivhuwa
