Kaizer Chiefs yo khakhisiwa nga vho ramafhungo: Nabi u ralo.
Maanḓa a nyanḓadzamafhungo. Mugudisi wa Kaizer Chiefs Vho-Nasreddine Nabi vho amba uri mivhigo i si yavhuḓi ya nyanḓadzamafhungo yo kwama mushumo wavho.
Mugudisi muhulwane wa Kaizer Chiefs Vho-Nasreddine Nabi vha khou pfala vha tshi khou pfala uri vha khou ṱuwa kha tshigwada itshi nga ṅwedzi wa Ṱhangule.
Naa mivhigo yo mu kwama na tshigwada tshawe?
Nga murahu ha musi vho tamba na Sekhukhune United nga 1-1 mafheloni a vhege o fhiraho ngei Polokwane,
Mugudisi wa Kaizer Chiefs Nabi o amba uri mavharivhari a vhege yo fhiraho a uri u khou ṱoḓa u bviswa o vha a tshi khou mu vhaisa.
“Mafhungo a bva kha vhoramafhungo, ha bvi fhethu,” ho amba Nabi.
“Fhedzi ndi a tendelana na inwi uri ndugiselo ya hoyu mutambo a si yanga, ndugiselo ndi ya vhatambi nga murahu ha mutambo wa u fhedzisela u konḓaho.
Mugudisi wa Kaizer Chiefs o engedza nga uri: “Nga zwenezwo ndi livhuwa vhatambi vhoṱhe ngauri zwo vha zwi songo vha lelutshela. Fhedzi vhege yoṱhe, vhathu vho vha vho livhisa ṱhogomelo nga nnḓa ha vhuṱambo hoṱhe na zwiṅwe na zwiṅwe. Ro pfa uri vhatambi vho ḓikumedzela kha hoyu mutambo.
“Fhedzi nga ha nṋe muṋe zwo bva kha vhoramafhungo nahone a zwi ṱhonifhei. Ndi ngani tshifhinga tshoṱhe vha tshi ri Nabi u khou dzula a tshi itela mini? A zwo ngo luga.
“Ndi a ṱhonifha inwi noṱhe vhoramafhungo nahone vhoramafhungo vhoṱhe na vhone vha fanela u nṱhonifha ngauri mafhungo aya ndi mavhi kha nṋe, a sika khakhathi kha thimu yanga,” ho engedza muḓivhi wa maano a Amakhosi.
Translated by Nthaduleni Rolivhuwa
